Joqarǵı Keńes Baslıǵı Amanbay Orınbaev Qońırat rayonındaǵı múshkil jaǵdayǵa túsip qalǵan shańaraq aǵzaları menen ushırastı
2121
Jaqında Qońırat rayonı «Ádebiyat» APJ aymaǵında jasawshı Eshmuratov Xalmurat hám Yusupova Ziyadanıń shańaraǵı jáne bir sınaqlı kúndi basınan ótkergen edi. Yaǵnıy, tilsiz jaw jalmap, shańaraqtıń turaq jayı órt ishinde qaldı hám tolayım janıp ketti.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev shańaraq aǵzaları menen ushırasıp, olardıń halınan xabar aldı.
Músiybet ayaq astınan bolıwı hám bunday sınaw hár qanday insannıń da basına túsiwi múmkinligi taqıyıq. Basına awır is túsken hár bir puqaraǵa keńpeyil xalqımız barqulla járdem qolın sozıp kelgen.
Joqarǵı Keńes Baslıǵı shańaraq basına túsken bul awır jaǵdayda olardıń músiybetine sherik ekenligin bildirdi hám hár bir qıynalǵan shańaraq mámleketimiz itibarında hám ǵamxorlıǵında ekenligin atap ótti.
Xojalıq iyelerine ruwızger buymları, xolodilnik, gaz plita, televizor, qısqı kiyimler hám basqa da kerek úy dáskeleri berildi.
Sonıń menen birge, rayon hákimligi hám juwapker wákillerge shańaraqqa tiyisli járdemler kórsetiw boyınsha anıq tapsırmalar berdi.
Aytıp ótiw orınlı, jaqında shańaraqqa azıq-awqat ónimleri, xojalıq buyımları, sonday-aq, turaq-jayın ońlap alıw maqsetinde 30 million swm qarjı ajıratıp berilgen edi.
Qıyın jaǵdayda mámleket tárepinen sozılǵan qollar, kórsetilip atırǵan ǵamxorlıq hám járdemler Xalmurat hám Ziyadanıń shańaraǵına quwanısh alıp kelip, olardıń mámleketimiz itibarına, Prezidentimiz basshılıǵındaǵı xalıqshıl reformalarǵa bolǵan isenimin elede arttırdı desek aljaspaǵan bolamız.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev shańaraq aǵzaları menen ushırasıp, olardıń halınan xabar aldı.
Músiybet ayaq astınan bolıwı hám bunday sınaw hár qanday insannıń da basına túsiwi múmkinligi taqıyıq. Basına awır is túsken hár bir puqaraǵa keńpeyil xalqımız barqulla járdem qolın sozıp kelgen.
Joqarǵı Keńes Baslıǵı shańaraq basına túsken bul awır jaǵdayda olardıń músiybetine sherik ekenligin bildirdi hám hár bir qıynalǵan shańaraq mámleketimiz itibarında hám ǵamxorlıǵında ekenligin atap ótti.
Xojalıq iyelerine ruwızger buymları, xolodilnik, gaz plita, televizor, qısqı kiyimler hám basqa da kerek úy dáskeleri berildi.
Sonıń menen birge, rayon hákimligi hám juwapker wákillerge shańaraqqa tiyisli járdemler kórsetiw boyınsha anıq tapsırmalar berdi.
Aytıp ótiw orınlı, jaqında shańaraqqa azıq-awqat ónimleri, xojalıq buyımları, sonday-aq, turaq-jayın ońlap alıw maqsetinde 30 million swm qarjı ajıratıp berilgen edi.
Qıyın jaǵdayda mámleket tárepinen sozılǵan qollar, kórsetilip atırǵan ǵamxorlıq hám járdemler Xalmurat hám Ziyadanıń shańaraǵına quwanısh alıp kelip, olardıń mámleketimiz itibarına, Prezidentimiz basshılıǵındaǵı xalıqshıl reformalarǵa bolǵan isenimin elede arttırdı desek aljaspaǵan bolamız.
Qaraqalpaqstan Respublikası Joqarǵı Keńesiniń Málimleme xızmeti