Kegeyli rayonında da “Mehir háreketi” sheńberindegi jumıslar dawam etpekte
1380
Respublikamız boylap keń túrde dawam etip atırǵan “Mehir háreketi” akciyası kem támiyinlengen shańaraqlardıń, járdemge mútáj insanlardıń awırın jeńil etiwde, insanlardıń bir-birewge degen mehrin jáne de kúsheytiwde ayrıqsha áhmiyetke iye bolmaqta.
Mine, usı ǵalabalıq akciya sheńberinde Qaraqalpaqstan Respublikası Joqarǵı Keńesiniń komitet baslıǵı D.Qurbaniyazov Kegeyli rayonındaǵı “Mádeniyat” mákan puqaralar jıyınında jasawshı járdemge mútáj shańaraqlardıń jaǵdaylarınan xabar aldı.
Olarǵa azıq-awqatlıq ónimler tarqatılıp, mashqalaları tıńlandı. Turaq-jayın ońlaw hám tóbesin shiferlaw máselesinde múrájat etken shańaraq iyelerine, birinshi náwbette, qıstıń suwıq kúnlerinen shıǵınsız aman alıp shıǵıw támiyinlenetuǵınlıǵı túsindirilip, turaq jayların ońlaw jumısların báhár aylarında ámelge asırılatuǵınlıǵı atap ótildi.
Qaraqalpaqstan Respublikası Joqarǵı Keńesiniń Málimleme xızmeti