Qaraqalpaqstan saylandı komandası «Universiada» sport oyınlarınıń chempionı boldı

Ózbekstan Respublikası joqarı oqıw orınlarında bilim alıp atırǵan student-jaslardıń arasında basqıshpa - basqısh ótkerilip atırǵan «Universiada – 2022» sport oyınlarında sporttıń basketbol túri boyınsha Ózbekstan mámleketlik dene tárbiyası hám sport universiteti Nókis filialı er balaları arasınan dúzilgen saylandı komanda aǵzaları aymaqlıq basqıshında barlıq qarsılas komanda aǵzalarınıń ústinen jeńiske erisip finalǵa jollama alǵan edi. Usı jıldıń 11-14-dekabr kúnleri Jizzaq wálayatında «Universiada – 2022» sport oyınlarınıń final basqıshı bolıp ótti. Qızǵın bellesiwlerge bay tárizde bolıp ótken jarıs barısında filialdıń er balalar arasınan dúzilgen komandası qarsılas komanda aǵzalarına hesh qanday imkaniyat qaldırmay Qaraqalpaqstan Respublikası atınan birinshi márte er balalar arasında sporttıń basketbol túrinen «Universiada» sport oyınlarınıń jeńimpazı boldı. Jeńimpaz bolǵan komanda aǵzaları Ózbekstan Respublikası Joqarı hám orta arnawlı bilimlendiriw ministrliginiń medal, Diplom hám bahalı sawǵaları menen sıylıqlandı.