Sporttıń Qol urısı túri boyınsha Qaraqalpaqstan Respublikası Joqarǵı Keńesi Baslıǵınıń kubogı bolıp ótti
1391
Búgingi kúnde jaslardıń bos waqıtların mazmunlı ótkeriw, olardı fizikalıq jaqtan shınıqqan kámil insan etip tárbiyalawǵa, dene tárbiya hám sporttı rawajlandırıwǵa ayrıqsha itibar qaratılıp kelinbekte.
Usı jıldıń 17-18-dekabr kúnleri Nókis qalasındaǵı 1-sanlı balalar hám jas óspirimler sport mektebinde (Manej) 2007/2008-jıllarda tuwılǵan jaslar hám professional sportshılar arasında sporttıń Qol urısı túri boyınsha Qaraqalpaqstan Respublikası Joqarǵı Keńesi Baslıǵınıń kubogı bolıp ótti.
Qızǵın bellesiwlerge bay túrde ótkerilgen jarısta sportshılar ózleriniń sheberligin hám hár tárepleme shınıqqanlıǵın kórsetti.
Bir neshe salmaq kategoriyasında ótkerilgen oyınlarda barlıq sportshılar da ózleriniń kúshli tayarlıqlar menen kelgenligin kórsete aldı.
Keskin bellesiwler menen ótken jarıs juwmaǵında Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev jeńimpazlardı qutlıqlap, barlıq qatnasıwshılarǵa múnásip oyın ushın minnetdarshılıq bildirdi.
Jarıs juwmaǵında Qaraqalpaqstan Respublikası Joqarǵı Keńesiniń kubogı, medallar hám bahalı sawǵalar tapsırıldı.
Qızǵın bellesiwlerge bay túrde ótkerilgen jarısta sportshılar ózleriniń sheberligin hám hár tárepleme shınıqqanlıǵın kórsetti.
Bir neshe salmaq kategoriyasında ótkerilgen oyınlarda barlıq sportshılar da ózleriniń kúshli tayarlıqlar menen kelgenligin kórsete aldı.
Keskin bellesiwler menen ótken jarıs juwmaǵında Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev jeńimpazlardı qutlıqlap, barlıq qatnasıwshılarǵa múnásip oyın ushın minnetdarshılıq bildirdi.
Jarıs juwmaǵında Qaraqalpaqstan Respublikası Joqarǵı Keńesiniń kubogı, medallar hám bahalı sawǵalar tapsırıldı.
Qaraqalpaqstan Respublikası Joqarǵı Keńesiniń Málimleme xızmeti