Taqıyatas rayonında ruwxıylıq hám aǵartıwshılıq sarayı paydalanıwǵa tapsırıldı
1003
Ózbekstan Respublikası Prezidenti basshılıǵında ruwxıy-aǵartıwshılıq jumısları sistemasın túpkilikli jetilistiriw, bul baǵdarda mámleketlik hám jámiyetlik shólkemler menen birge islesiwdi kúsheytiw máseleleri boyınsha ótkerilgen videoselektor májilisinde aymaqlar orayında úlgili joybar tiykarında ruwxıylıq hám aǵartıwshılıq orayların shólkemlestiriw boyınsha tapsırmalar berilgen edi. Berilgen tapsırmanıń orınlanıwın támiyinlew baǵdarında búgingi kúnde bir qansha jumıslar ámelge asırılıp kelinbekte.
Usı tiykarda Taqıyatas rayonında ruwxıylıq hám aǵartıwshılıq sarayı imaratı paydalanıwǵa tapsırılıwı múnásibeti menen saltanatlı ashılıw máresimi bolıp ótti.
Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, jıynalǵanlardı jańa imarattıń paydalanıwǵa tapsırılıwı menen qutlıqladı.
Ilajda ruwxıylıq hám aǵartıwshılıq sarayında jaratılǵan imkaniyatlardıń tarawdı rawajlandırıwdaǵı áhmiyeti, dóretiwshi jaslar ushın jaqınnan sáwbetlesiw ornı sıpatında xızmet atqaratuǵınlıǵı atap ótildi.
Qaraqalpaqstan Respublikası Joqarǵı Keńesiniń Málimleme xızmeti