Joqarǵı Keńes Baslıǵınıń orınbasarı R.Saparbaev Taqıyatas rayonındaǵı shańaraqlıq balalar úyi tárbiyalanıwshıları menen sáwbetlesti

Taqıyatas rayonı Taqıyatas mákan puqaralar jıyını aymaǵında jasawshı Saparovlar shańaraǵı balalar úyi tárbiyalanıwshıların bawırına alıp, Shańaraqlıq balalar úyin shólkemlestirgen edi. Bul jerde bir neshe bala shańaraqlıq ortalıqta jasap, bilim-tárbiya alıp kelmekte. Aytıp ótiw orınlı, Saparovlardıń úyinde balalar ushın qolaylı sharayatlar jaratıp berilgen bolıp, bul jerde tárbiyalanıwshılardıń bilim alıwı, bos waqıtların mazmunlı ótkeriwi ushın múmkinshilik bar. Eń baslısı olar shańaraqlıq ortalıqta kamalǵa kelmekte. Búgin Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev Respublika ruwxıylıq hám aǵartıwshılıq orayı baslıǵı T.Atamuratov penen birgelikte Saparovlar shańaraǵında bolıp, balalar menen ushırastı hám balalar menen jaqınnan sáwbetlesip, olardıń jasaw sharayatların kórdi. Shańaraqlıq balalar úyi tárbiyalanıwshılarınıń kitapqa bolǵan súyispenshiligin arttırıw hám tereń bilim alıwları ushın bayram aldınan balalarǵa kórkem-ádebiy kitaplar hám bahalı sawǵalar tapsırılıp, bayram aldı keypiyatı menen bólisildi.

Qaraqalpaqstan Respublikası Joqarǵı Keńesiniń Málimleme xızmeti