Moynaq rayonında Ruwxıylıq hám aǵartıwshılıq orayınıń jańa imaratı paydalanıwǵa tapsırıldı
1370
Aymaqlarda sociallıq-ruwxıy ortalıqtıń turaqlılıǵın bekkemlew, xalıqtıń, ásirese, jaslar sanası hám qálbinde ruwxıy pazıyletlerdi jetilistiriw, shańaraq hám máhállelerde awızbirshilikti támiyinlew maqsetinde Prezidentimizdiń 2021-jıl 26-marttaǵı PQ-5040-sanlı qararı menen ruwxıylıq hám aǵartıwshılıq máskanların qurıw wazıypası belgilep berilgen edi. Usı tiykarda orınlarda ruwxıylıq hám aǵartıwshılıq orayları qurılıp, paydalanıwǵa tapsırılmaqta.
Moynaq rayonında Ruwxıylıq hám aǵartıwshılıq orayınıń jańa imaratı paydalanıwǵa tapsırılıwına arnalǵan saltanatlı ilaj bolıp ótti.
Onda Qaraqalpaqstan Respublikası Joqarǵı Keńesiniń komitet baslıǵı Sh.Ótemisov shıǵıp sóylep, jańa imarattıń ashılıwı menen qutlıqlap, ruwxıylıq hám aǵartıwshılıq orayı Moynaq rayonı xalqı ushın shın mánisinde mánawiyat máskanı hám jaslardıń óz qábiletin júzege shıǵarıwshı ortalıq bolatuǵınlıǵın atap ótti.
Jańadan qurıp pitkerilgen eki qabatlı záwlim imaratta kitapqumarlar ushın kitapxana, hár qıylı ilajlar ótkeriw ushın májilisler zalı hám basqa da bir qatar arnawlı bólmeler orın alǵan.
Ótkerilgen ashılıw saltanatında kitapxana fondın bayıtıw maqsetinde kórkem-ádebiy kitaplar sawǵa etildi.
Onda Qaraqalpaqstan Respublikası Joqarǵı Keńesiniń komitet baslıǵı Sh.Ótemisov shıǵıp sóylep, jańa imarattıń ashılıwı menen qutlıqlap, ruwxıylıq hám aǵartıwshılıq orayı Moynaq rayonı xalqı ushın shın mánisinde mánawiyat máskanı hám jaslardıń óz qábiletin júzege shıǵarıwshı ortalıq bolatuǵınlıǵın atap ótti.
Jańadan qurıp pitkerilgen eki qabatlı záwlim imaratta kitapqumarlar ushın kitapxana, hár qıylı ilajlar ótkeriw ushın májilisler zalı hám basqa da bir qatar arnawlı bólmeler orın alǵan.
Ótkerilgen ashılıw saltanatında kitapxana fondın bayıtıw maqsetinde kórkem-ádebiy kitaplar sawǵa etildi.
Qaraqalpaqstan Respublikası Joqarǵı Keńesiniń Málimleme xızmeti