Qaraqalpaqstanǵa “Prezident sawǵaları” jetip keldi
1008
Shańaraqlıq balalar úyi tárbiyalanıwshıları, ata-anasınıń qarawısız qalǵan balalar, ata-anaları Watanımız shegaraların qorǵawda qurban bolǵan balalar jánede sociallıq qorǵawǵa mútáj bolǵan shańaraqlardıń perzentleri ushın “Prezident sawǵası” Qaraqalpaqstanǵa jetip keldi.
Qaraqalpaqstanǵa jetip kelgen Prezident sawǵaları rayon(kala)lıq xalıq bilimlendiriw bólimlerine jiberildi.
3 jastan 15 jasqa shekem bolǵan balalarǵa mólsherlengen “Prezident saӯǵaları” quramında Ózbekstan Respublikası Prezidentiniń balalarǵa jollaǵan Jańa jıl bayram qutlıqlaӯı, 14 túrdegi mazalı zatlar, 3 túrdegi oqıӯ quralları, elektron kitap, termos hám shaxmat kirgizilgen bolıp, bayram qarsańında sawǵalar óz iyelerine jetkeriliwi belgilengen.
Jańa jıl aldında hár jılı dástúrge aylanǵan Prezident sawǵaların tapsırıw ilajları respublikamızdıń barlıq qala hám rayonlarında 29-30-dekabr kúnleri ótkeriletuǵın «Prezident shırshası» ilajlarında balalarǵa saltanatlı túrde tapsırıladı.
Qaraqalpaqstan Respublikası Joqarǵı Keńesiniń Málimleme xızmeti