Isbilermenlik subektleriniń eksport jumısın qollap-quwatlawdıń qosımsha ilajları haqqında

Ózbekstan Respublikası Prezidentiniń pármanı

Ózbekstan Respublikası Prezidentiniń 2022-jıl 28-yanvardaǵı «2022-2026-jıllarǵa mólsherlengen Jańa Ózbekstannıń rawajlanıw strategiyası haqqında»ǵı PP-60-sanlı Pármanına muwapıq, sonday-aq, eksport jumısın qosımsha qollap-quwatlaw arqalı jergilikli ónimlerdiń jańa perspektivalı bazarlarǵa kirip barıwı ushın qolaylı sharayatlar jaratıw maqsetinde:

1. Eksporttı xoshametlew agentligi tárepinen eksport aldı hám eksport penen baylanıslı sawda operaciyaların qarjılandırıw ushın ajıratılatuǵın qarjı resursları esabınan berilgen kreditlerdi óz waqtında sóndirip kiyatırǵan isbilermenlik subektlerine kredittiń sóndirilgen bólegine sáykes túrde qosımsha kreditler ajıratıwǵa ruqsat etiletuǵını;

2024-jıl 1-yanvarǵa shekem Evropa, Túrkiya, Egipet hám Marokko mámleketlerine gezleme, trikotaj material ónimlerin eksport etiwde tasıw qárejetleriniń 70 procentin kompensaciyalawǵa subsidiyalar beriletuǵını belgilensin.

2. Sırtqı sawda, investiciyalar, jergilikli sanaattı rawajlandırıw hám texnikalıq jaqtan tártipke salıw máseleleri boyınsha Húkimet komissiyası (J.Xodjaev) eki hápte múddette Eksporttı xoshametlew agentligi tárepinen kommerciyalıq banklerge eksport etiwde tasıw qárejetleriniń bir bólegin kompensaciyalaw tártiplerine tiyisli ózgeris kirgizsin.
3. Ózbekstan Respublikası Prezidentiniń ayırım pármanlarına qosımshaǵa muwapıq ózgerisler kirgizilsin.
4. Usı Pármannıń orınlanıwın qadaǵalaw Bas ministrdiń orınbasarı J.A.Xodjaevqa júklensin.

 

Ózbekstan Respublikası Prezidenti                                             Sh.MIRZIYOEV