Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonında boldı
2723
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonınıń sociallıq-ekonomikalıq jaǵdayı hám xalıqtıń turmıs sharayatın jaqsılaw baǵdarında ámelge asırılıp atırǵan jumıslar menen tanısıw maqsetinde Taqıyatas rayonınıń belsendileri, mákeme basshıları, sonday-aq, barlıq ministrlik, basqarma hám shólkem basshıları qatnasıwında májilis ótkerdi.
Ótkerilgen májiliste xalıqtıń jasaw sharayatın jaqsılaw, abadan turmısın támiyinlew, baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler haqqında sóz etildi.
Májiliste qurılıs jumıslarındaǵı qosıp jazıwlar, byudjet hám jeńilletilgen kredit qarjıların talan-taraj etiw jaǵdayları, bankler tárepinen finanslıq oyınlar, “Naymankól”, “Nurlı keleshek”, “Aydın jol”, “Taqıyatas”, “Qusshılıq”, “Shamshıraq”, “Jayxun”, “Xalıqlar doslıǵı” aymaqları hákim járdemshileri tárepinen jeńilletilgen kredit qarjılarınıń maqsetsiz sarıplap jiberilgeni, bir qatar juwapkershiligi sheklengen jámiyetler tárepinen kredit qarjıların naqlastırıp jumsap jiberiw jaǵdayları, múrájatlar menen islesiwdiń tómen jaǵdayda ekenligi atap ótildi.
Bunnan tısqarı, Taqıyatas rayonında qurılıs jumısları talap dárejesinde alıp barılmaǵanlıǵı, “Investiciya”, “Abat awıl” baǵdarlamaları hám Prezident saparı dawamında berilgen tapsırmalar boyınsha bir qansha qurılıs-ońlaw jumısların ámelge asırıw belgilengen bolıwına qaramastan, ayırım jumıslar orınlanbaǵanlıǵı, sonday-aq, sociallıq tarawda alıp barılıp atırǵan jumıslar, transport xızmeti, xalıqqa xızmet kórsetiw baǵdarındaǵı jumıslar da sınǵa alındı.
Rayondaǵı kásip-óner mektebine jalyuzi tayarlaw hám ornatıw ushın ajıratılǵan byudjet qarjıları rastrata qılınǵan.
Bunnan tısqarı, 9-sanlı mámleketlik mektepke shekemgi bilimlendiriw shólkeminiń asxanasında sanitariyalıq talaplarǵa ámel etilmegen. Sonıń menen birge, 5-sanlı mámleketlik balalar baqshasında balalardıń temperaturaları tolıq ólshenbesten, dizim dápterine jalǵan maǵlıwmat kirgizilgen, sanitar-gigienalıq talaplar orınlanbaǵan. Sonday-aq, 6-sanlı ulıwma bilim beriw mektebinde de bir qansha kemshiliklerge jol qoyılǵan.
Joqarǵı Keńes Baslıǵı atap ótilgen qáte-kemshiliklerdi saplastırıw hám zárúr jaǵdayda juwapkershilik belgilew boyınsha tiyisli taraw wákillerine tapsırmalar berdi.
Anıqlanǵan kemshilikler boyınsha Taqıyatas rayonı hákiminiń Ekonomika hám isbilermenlik máseleleri boyınsha birinshi orınbasarı, qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı, jaslar siyasatı, sociallıq rawajlandırıw hám ruwxıy aǵartıwshılıq isleri boyınsha orınbasarı, máhálle bólimi baslıǵı, rayonlıq xalıq bilimlendiriw bólimi baslıǵı, 5,9-sanlı mektepke shekemgi bilimlendiriw mákemeleri baslıqları, 6-sanlı mektep direktorı intizamıy jazaǵa tartıldı.
Bul jaǵdaydan barlıq taraw basshıları juwmaq shıǵarıwı, hám mámleketimiz basshısı tárepinen bildirilgen isenimdi tolıq orınlawǵa tırısıwı tiyis, álbette.
Bunnan tısqarı, Máhálle infrastrukturasın jánede jaqsılaw maqsetinde Húrmetli Prezidentimiz tárepinen arnawlı qararı tiykarında mánzilli baǵdarlama tastıyıqlanǵanı, sonıń ishinde, Taqıyatas rayonı boyınsha 8 joybarda 8 mlrd. 730 mln.swmlıq ishimlik suw tarmaqların hám ishki jollardı rekonstrukciyalaw jumısları alıp barılatuǵınlıǵı tilge alındı.
Májilis sońında Joqarǵı Keńes Baslıǵı bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 11 mlrd. 664 mln. sumlıq qarjı ajıratılatuǵınlıǵın atap ótti.
Ótkerilgen májiliste xalıqtıń jasaw sharayatın jaqsılaw, abadan turmısın támiyinlew, baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler haqqında sóz etildi.
Májiliste qurılıs jumıslarındaǵı qosıp jazıwlar, byudjet hám jeńilletilgen kredit qarjıların talan-taraj etiw jaǵdayları, bankler tárepinen finanslıq oyınlar, “Naymankól”, “Nurlı keleshek”, “Aydın jol”, “Taqıyatas”, “Qusshılıq”, “Shamshıraq”, “Jayxun”, “Xalıqlar doslıǵı” aymaqları hákim járdemshileri tárepinen jeńilletilgen kredit qarjılarınıń maqsetsiz sarıplap jiberilgeni, bir qatar juwapkershiligi sheklengen jámiyetler tárepinen kredit qarjıların naqlastırıp jumsap jiberiw jaǵdayları, múrájatlar menen islesiwdiń tómen jaǵdayda ekenligi atap ótildi.
Bunnan tısqarı, Taqıyatas rayonında qurılıs jumısları talap dárejesinde alıp barılmaǵanlıǵı, “Investiciya”, “Abat awıl” baǵdarlamaları hám Prezident saparı dawamında berilgen tapsırmalar boyınsha bir qansha qurılıs-ońlaw jumısların ámelge asırıw belgilengen bolıwına qaramastan, ayırım jumıslar orınlanbaǵanlıǵı, sonday-aq, sociallıq tarawda alıp barılıp atırǵan jumıslar, transport xızmeti, xalıqqa xızmet kórsetiw baǵdarındaǵı jumıslar da sınǵa alındı.
Rayondaǵı kásip-óner mektebine jalyuzi tayarlaw hám ornatıw ushın ajıratılǵan byudjet qarjıları rastrata qılınǵan.
Bunnan tısqarı, 9-sanlı mámleketlik mektepke shekemgi bilimlendiriw shólkeminiń asxanasında sanitariyalıq talaplarǵa ámel etilmegen. Sonıń menen birge, 5-sanlı mámleketlik balalar baqshasında balalardıń temperaturaları tolıq ólshenbesten, dizim dápterine jalǵan maǵlıwmat kirgizilgen, sanitar-gigienalıq talaplar orınlanbaǵan. Sonday-aq, 6-sanlı ulıwma bilim beriw mektebinde de bir qansha kemshiliklerge jol qoyılǵan.
Joqarǵı Keńes Baslıǵı atap ótilgen qáte-kemshiliklerdi saplastırıw hám zárúr jaǵdayda juwapkershilik belgilew boyınsha tiyisli taraw wákillerine tapsırmalar berdi.
Qaraqalpaqstan Respublikası Joqarǵı Keńesiniń Málimleme xızmeti