Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonındaǵı sharayatı awır shańaraqlardıń jasaw jaǵdayın barıp kórdi
1333
Búgingi kúnde respublikamız aymaǵında Joqarǵı Keńes Baslıǵı baslaması menen «Mehir háreketi» sheńberindegi jumıslar dawam etip atırǵan bolıp, sharayatı awır, baǵıwshısınan ayırılǵan, sociallıq qollap-quwatlawǵa mútáj, úyin ońlap beriwge zárúrligi bar shańaraqlarǵa járdem qolı sozılıp, olardıń halınan xabar alınıp atır. Sonday-aq, mútáj shańaraqlardıń qıstan biyziyan shıǵıwın támiyinlew hám turaq-jayların ońlap beriw boyınsha da wazıypalar belgilep alınıp, bul baǵdarda da jumıslar jolǵa qoyılǵan.
Búgingi kúnde barlıq qala hám rayonlarda xalıqtı, ásirese sociallıq qorǵawǵa mútáj puqaralardı qıynap kiyatırǵan máseleler úyme-úy kirip úyrenilip shıǵılmaqta. Sonday-aq, aymaqlardaǵı ekonomikalıq tarmaqlar, sociallıq taraw obektleri, kóp kvartiralıq úy-jaylar hámde kommunal-infrastrukturalıq tarmaqlardıń jaǵdayları úyrenilmekte.
Taqıyatas rayonı boyınsha búgingi kúnde úyme-úy kirip úyreniw nátiyjesinde:
- 667 shifersiz shańaraqlar anıqlanǵan (Jámi shańaraqlar sanı 14 326);
- 183 sharayatı awır, járdemge mútáj shańaraqlar anıqlanǵan.
Joqarǵı Keńes Baslıǵı Amanbay Orınbaev Taqıyatas rayonındaǵı sharayatı awır shańaraqlardıń jasaw jaǵdayı menen tanısıw maqsetinde olardın úylerine bardı.
«Abat makan» MPJda jasawshı Avezniyazova Gulshat 2 perzenti hám nawqaslıǵı sebepli kóriw hám esitiw imkaniyatın joǵaltqan ómirlik joldasına ǵamqorlıq kórsetip kelmekte. Turmıstıń ǵalma-ǵalı menen búgin onıń jasaw sharayatı awır jaǵdayda bolıp, Joqarǵı Keńes Baslıǵı shańaraq halınan xabar aldı hám jaqınnan sáwbetlesti.
Bunnan soń «Jayhun» MPJda jasawshı baǵıwshısınan ayırılǵan 1-topar mayıplıǵı bar bir perzenttiń anası Bekimbetova Nargul, jalǵız baslı, nawqaslıǵı sebepli esitiw imkaniyatın joǵaltqan sociallıq qorǵawǵa mútáj Kalımbetov Ermekbaylardıń shańaraǵına barıp kórdi.
Olardıń turmıs sharayatı menen jaqınnan tanısıp, mámleket tárepinen barqulla qollap-quwatlanıp, hámme waqıt ǵamqorlıq kórsetiletuǵınlıǵın bildirdi. Sonday-aq, «Mehir háreketi» sheńberinde bul shańaraqlardıń turaq jayların ońlap beriletuǵınlıǵı da atap ótildi. Sonıń menen birge, shańaraqlarǵa tiykarǵı azıq-awqat ónimleri, qısqı kiyimler menen tutınıw buyımları tapsırıldı.
«Insan qádiri ushın» principi tiykarındaǵı jumıslar dawam etpekte.
«Abat makan» MPJda jasawshı Avezniyazova Gulshat 2 perzenti hám nawqaslıǵı sebepli kóriw hám esitiw imkaniyatın joǵaltqan ómirlik joldasına ǵamqorlıq kórsetip kelmekte. Turmıstıń ǵalma-ǵalı menen búgin onıń jasaw sharayatı awır jaǵdayda bolıp, Joqarǵı Keńes Baslıǵı shańaraq halınan xabar aldı hám jaqınnan sáwbetlesti.
Bunnan soń «Jayhun» MPJda jasawshı baǵıwshısınan ayırılǵan 1-topar mayıplıǵı bar bir perzenttiń anası Bekimbetova Nargul, jalǵız baslı, nawqaslıǵı sebepli esitiw imkaniyatın joǵaltqan sociallıq qorǵawǵa mútáj Kalımbetov Ermekbaylardıń shańaraǵına barıp kórdi.
Olardıń turmıs sharayatı menen jaqınnan tanısıp, mámleket tárepinen barqulla qollap-quwatlanıp, hámme waqıt ǵamqorlıq kórsetiletuǵınlıǵın bildirdi. Sonday-aq, «Mehir háreketi» sheńberinde bul shańaraqlardıń turaq jayların ońlap beriletuǵınlıǵı da atap ótildi. Sonıń menen birge, shańaraqlarǵa tiykarǵı azıq-awqat ónimleri, qısqı kiyimler menen tutınıw buyımları tapsırıldı.
Qaraqalpaqstan Respublikası Joqarǵı Keńesiniń Málimleme xızmeti