Jınayatshılıqtıń aldın alıwǵa arnalǵan májilis bolıp ótti
989
Qaraqalpaqstan Respublikası Ishki isler Ministrliginiń májilisler zalında jınayatshılıqtıń aldın alıwǵa arnalǵan májilis ótkerildi.
Onda Qaraqalpaqstan Respublikası Joqarǵı Keńesi komitet baslıǵı Z.Reymova shıǵıp sóylep, awır hám oǵada awır jınayatlardı sektorlar kesiminde analiz etiw, “qızıl máhálle”lerdi kriminogen jaǵdaydan shıǵarıw boyınsha ámelge asırılǵan jumıslar, eń kóp korrupciyalıq jınayatlar júz berip atırǵan tarawlar haqqında hám xalıq deputatları qalalıq (rayonlıq) Keńeslerinde Ishki isler bólimleri baslıqları hámde puqaralar jıyınlarında Profilaktika inspektorları tárepinen esabatları tıńlanǵanlıǵın úyreniw nátiyjesi dodalandı.
Májiliske Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri komitetine aǵza deputatlar menen birge tiyisli taraw wákilleri, Xalıq deputatları rayonlıq Keńesleriniń sekretariat baslıqları hám Nızamlılıqtı támiyinlew hám korrupciyaǵa qarsı gúresiw máseleleri boyınsha turaqlı komissiyaları aǵzaları qatnastı.
Bolıp ótken májiliste atap ótilgen máseleler boyınsha usınıslar berilip, bul jumıslar turaqlı ráwishte Joqarǵı Keńes tárepinen qatań qadaǵalawǵa alınıp, qórip shıǵılatuǵınlıǵı atap ótildi.
Májiliste kún tártibindegi máseleler tolıǵı menen qarap shıǵılıp tiyisli sheshimler qabıl etildi.
Onda Qaraqalpaqstan Respublikası Joqarǵı Keńesi komitet baslıǵı Z.Reymova shıǵıp sóylep, awır hám oǵada awır jınayatlardı sektorlar kesiminde analiz etiw, “qızıl máhálle”lerdi kriminogen jaǵdaydan shıǵarıw boyınsha ámelge asırılǵan jumıslar, eń kóp korrupciyalıq jınayatlar júz berip atırǵan tarawlar haqqında hám xalıq deputatları qalalıq (rayonlıq) Keńeslerinde Ishki isler bólimleri baslıqları hámde puqaralar jıyınlarında Profilaktika inspektorları tárepinen esabatları tıńlanǵanlıǵın úyreniw nátiyjesi dodalandı.
Qaraqalpaqstan Respublikası Joqarǵı Keńesiniń Málimleme xızmeti