Taqıyatas «Balalar úyi»nde Jańa jıl bayramı bolıp ótti
1767
Usı jıldıń 28-dekabr kúni Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas «Balalar úyi»nde tárbiyalanıp atırǵan balalarǵa Prezident sawǵaların tapsırıw hám jańa jıl bayramı menen qutlıqlaw ushın bardı.
Shıraylı etip bezelgen Shırsha átirapında shólkemlestirilgen bayram keshesinde kishkentaylar tárepinen tayarlanǵan oyınlar qoyıp berildi.
Balalar hámiyshe Prezidentimizdiń itibarı jáne ǵamqorlıǵında, álbette. Bayram bosaǵasında balalarǵa Prezidentimizdiń sawǵaları tapsırıldı.
Sonıń menen birge Joqarǵı Keńes Baslıǵı Taqıyatas «Balalar úyi»ndegi sharayatlar menen tanısıp, onda tárbiyalanıp atırǵan balalardıń búgingi jaǵdayları menen tanıstı.
Hár bir balanıń erteńgi keleshegi ushın házirden tayarlıq kóriw kerek ekenligin aytıp, bul másele jeke ózimniń qadaǵalawımda boladı,- dedi Joqarǵı Keńes Baslıǵı Amanbay Orınbaev.
Qaraqalpaqstan Respublikası Joqarǵı Keńesiniń Málimleme xızmeti