Bayram qarsańında kewillerge bayram keypiyatı bólisildi
1028
Ázelden xalqımız jası úlkenlerdi húrmetlep, olarǵa bárháma ǵamqorlıq kórsetip kelgen. «Jası úlkenge húrmet, jası kishige izzet» degen danalıq sózdiń en jayıwı xalqımızdıń kúndelikli ómirindegi mehir-múriwbetliliktiń kórinisi sıpatında turmısta óz sáwleleniwin tapqan.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shımbay rayonındaǵı mayıplıǵı bolǵan er adamlar ushın arnalǵan Múriwbet úyinde boldı.
Óz náwbetinde, Joqarǵı Keńes Baslıǵı Múriwbet úyinde jasap atırǵan qarıyalar, jası úlken nuranıylardıń halınan xabar alıp, bayram aldı qutlıqladı hám sawǵalar tapsırdı.
«Kewil kewilden suw isher» degendey, Jańa jıl bayramı qarsańında Múriwbet úyindegi insanlar menen mehir hám jıllılıq bólisildi, olar bárhama mámleket itibarında hám ǵamqorlıǵında ekenligi atap ótildi.
Qaraqalpaqstan Respublikası Joqarǵı Keńesiniń Málimleme xızmeti