Joqarǵı Keńes Baslıǵı sociallıq úy turǵınların bayram múnásibeti menen qutlıqladı
1079
Qaraqalpaqstan Respublikası Joqarǵı Keńesiniń Baslıǵı Amanbay Orınbaev búgin Nókis qalası «Qosbulaq» mákan puqaralar jıyını aymaǵında jaylasqan kem támiyinlengen hám sociallıq qollap-quwatlawǵa mútáj puqaralar ushın qurılǵan sociallıq kóp kvartiralı turaq jayda bolıp, turǵınlar menen ushırastı.
Olardı kirip kiyatırǵan Jańa jıl bayramı menen qutlıqlap, balalarǵa bayram keypiyatın bólisiw maqsetinde sawǵalar tapsırıldı.
Sonıń menen birge, Joqarǵı Keńes Baslıǵı bul turaq jayda jasawshılar ushın jaqında jańa, barlıq qolaylıqlarǵa iye sociallıq turaq jay qurılısı baslanıw aldında turǵanlıǵın hám jańa imarat pitkennen soń, barlıq 44 shańaraqtı jańa imaratqa kóshirip ótkeriw ilajları kóriletuǵınlıǵın atap ótti.
Respublika basshısınıń jeke ózi aralap, bayram múnásibeti menen qutlıqlawı kópshiliktiń kewline jıllılıq, bayramǵa tán keypiyat bólisip, ayrıqsha minnetdarshılıq sezimlerin oyatpaqta.
Qaraqalpaqstan Respublikası Joqarǵı Keńesiniń Málimleme xızmeti