Jańa jıl qarsańında 31 xojalıq úyli boldı
1223
Nókis qalasındaǵı awır turmıs sharayatında jasap atırǵan, mayıplıǵı bolǵan, baǵıwshısın joǵaltqan hám basqada sociallıq qorǵawǵa mútáj puqaralardı waqtınsha jasaw huqıqı arqalı turaq jaylar menen támiyinlew maqsetinde Nókis qalası A.Utepov kóshesi 32/1- kóp qabatlı turaq jaydıń búgingi kúnde 2 qabatı puqaralar jasawı ushın sáykeslestirilip, qurılıs jumısları alıp barıldı.
Búgin jańa jıl bayramı qarsańında Qaraqalpaqstan Respublikası Joqarǵı Keńesiniń Baslıǵı Amanbay Orınbaev 31 xojalıq jasawı ushın tayar turaq jay imaratınıń giltlerin tapsırdı.
Bayram aldınan jańa turaq jaydıń tapsırılıwı awır turmıs mashaqatların jeńip ótip, ómirdiń sınawlı ǵalma-ǵalı menen jasap atırǵan qala turǵınları ushın úlken quwanısh boldı.
Sonday-aq, usı kóp qabatlı turaq jaydıń 1-qabatın da sociallıq qollap-quwatlawǵa mútáj, awır sharayatta jasap atırǵan turǵınlar jasawı ushın sáykeslestiriw boyınsha jumıslar juwmaqlanıw aldında tur.
Insan qádiri ullılanǵan elde hár bir insan itibardan shette qalmawı kerek hám usı tiykardaǵı jumıslar respublikamız boyınsha elede keń túrde dawam eteri anıq.
Búgin jańa jıl bayramı qarsańında Qaraqalpaqstan Respublikası Joqarǵı Keńesiniń Baslıǵı Amanbay Orınbaev 31 xojalıq jasawı ushın tayar turaq jay imaratınıń giltlerin tapsırdı.
Qaraqalpaqstan Respublikası Joqarǵı Keńesiniń Málimleme xızmeti