Qaraqalpaqstan Respublikası Joqarǵı Keńesiniń qırqınshı sessiyası haqqında málimleme
1656
2022-jıldıń 30-dekabr kúni Qaraqalpaqstan Respublikası Joqarǵı Keńesiniń qırqınshı sessiyası bolıp ótti.
Sessiyaǵa Ózbekstan Respublikası Oliy Majlisi Senatı hám Húkimet aǵzaları, Respublika sektor hám taraw basshıları, ǵalaba xabar quralları wákilleri, sonday-aq, Joqarǵı Keńestiń deputatları qatnasıp atır.
Sessiyanı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kiris sóz benen ashtı hám basqarıp barmaqta.
Sessiyada Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jaqında Húrmetli Prezidentimizdiń Oliy Majliske hám xalqımızǵa jollaǵan Múrájatına keń túrde toqtaldı.
Húrmetli Prezidentimizdiń múrájatında juwmaqlanıp atırǵan jılda ámelge asırılǵan jumıslar talqılanıp, kelesi jılı elimizdi rawajlandırıwǵa xızmet etetuǵın áhmiyetli altı baǵdar boyınsha anıq wazıypalar belgilep berildi.
Álbette, bul belgilengen wazıypalar:
- ıqsham hám nátiyjeli mámleketlik basqarıw sistemasına ótiwde;
-jańa Ózbekstandı «sociallıq mámleket» principi tiykarında qurıwda;
- insan huqıqları hám erkinliklerin isenimli qorǵawda;
-ekologiya, ásirese, suw máseleleri boyınsha júzege kelip atırǵan mashqalalardı unamlı sheshiwde;
- erkin bazar mexanizmlerin engiziwde hám isbilermenlikti qollap-quwatlawda;
- jergilikli hám sırt el investiciyaların tartıwda áhmiyetli orın iyeleydi.
Sonday-aq, kelesi jılǵa «Insanǵa itibar hám sapalı bilimlendiriw jılı» dep atama beriliwi – bul “Insan qádirin ulıǵlaw” degen princip ámelge asırılıp atırǵan bıyılǵı jıldıń dawamı sıpatında qaralıwına tiykar boladı.
Sonıń menen birge, Húrmetli Prezidentimizdiń «Qaraqalpaqstannıń tabısı – pútkil Ózbekstannıń tabısı, Qaraqalpaqstannıń táshwishi – pútkil Ózbekstannıń táshwishi» -dep aytqan sózleri xalqımızǵa bolǵan sheksiz húrmet hám isenimniń jáne bir kórinisi ekenligi ayrıqsha atap ótildi.
Sessiyanıń kún tártibindegi birinshi másele “Mámleketlik hákimiyat hám basqarıw uyımları jumıslarınıń ashıq-aydınlıǵı haqqında”ǵı Qaraqalpaqstan Respublikası Nızamınıń joybarı tuwralı bolıp, bul másele boyınsha Joqarǵı Keńestiń komitet baslıǵı Sharapat Ótemisov bayanat jasadı.
Nızam joybarı boyınsha Málimleme hám ǵalaba kommunikaciyalar basqarması baslıǵı Azamat Bekmuratov shıǵıp sóylep, óz pikirin bildirdi.
Ótkerilip atırǵan sessiyanıń kún tártibindegi keyingi másele Qaraqalpaqstan Respublikasınıń 2023-jılǵı Byudjeti tuwralı bolıp, bul másele boyınsha Qaraqalpaqstan Respublikası Finans ministri Maxmud Sodiqov bayanat jasadı.
Bunnan soń, Mámleketlik Salıq basqarması baslıǵı Xalmurza Bekchanov sózge shıǵıp, Qaraqalpaqstan Respublikasında byudjet dáramatlarına belgilengen prognoz kórsetkishleriniń orınlanıwı hám qosımsha dereklerdi anıqlaw, sonday-aq, isbilermenlik subektlerin qollap-quwatlaw, salıq administraciyası hám tarawda interaktiv xızmetlerdi elede jetilistiriw boyınsha Qaraqalpaqstan Respublikası mámleketlik salıq uyımları tárepinen ámelge asırılıp atırǵan jumıslar boyınsha keń túrde toqtaldı.
Kún tártibinde xalıqqa kórsetilip atırǵan tez medicinalıq hám qıstawlı járdem xızmetleriniń sapasın jaqsılaw baǵdarında ámelge asırılǵan ilajlar haqqında Qaraqalpaqstan Respublikası Densawlıqtı saqlaw ministriniń esabatı tıńlandı.
Ótkerilip atırǵan sessiyada Ózbekstan Respublikası Prezidentiniń 2021-jıl 29-noyabrdegi PP-27-sanlı Pármanı menen tastıyıqlanǵan “Ózbekstan Respublikası jámiyetlik qáwipsizlik koncepciya”sınıń orınlanıwı boyınsha Ózbekstan Respublikası Milliy gvardiyası Qaraqalpaqstan Respublikası boyınsha basqarması baslıǵınıń orınbasarı Ravshan Radjapovtıń esabatı tuwralı másele qarap shıǵıldı.
Kún tártibindegi keyingi másele Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhálleler infrastrukturasın jáne de jaqsılaw boyınsha qosımsha ilajlar haqqında»ǵı PQ-408-sanlı qararı talaplarınıń Qaraqalpaqstan Respublikasında orınlanıw barısı tuwralı bolıp, bul másele boyınsha Avtomobil jolları bas basqarması baslıǵı Madad Allambergenov bayanat jasadı.
Sessiyanıń kún tártibindegi keyingi másele Qaraqalpaqstan Respublikası Joqarǵı Keńesiniń ayırım komitetleri quramına ózgerisler hám qosımshalar kirgiziw haqqında boldı.
Bul máseleler boyınsha deputatlar tiyisli qarar qabıl etkennen soń, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqındaǵı másele kórip shıǵıldı.
Deputatlar bul másele boyınsha da tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń qırqınshı sessiyası óz jumısın juwmaqladı.
Sessiyada Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jaqında Húrmetli Prezidentimizdiń Oliy Majliske hám xalqımızǵa jollaǵan Múrájatına keń túrde toqtaldı.
Húrmetli Prezidentimizdiń múrájatında juwmaqlanıp atırǵan jılda ámelge asırılǵan jumıslar talqılanıp, kelesi jılı elimizdi rawajlandırıwǵa xızmet etetuǵın áhmiyetli altı baǵdar boyınsha anıq wazıypalar belgilep berildi.
Álbette, bul belgilengen wazıypalar:
- ıqsham hám nátiyjeli mámleketlik basqarıw sistemasına ótiwde;
-jańa Ózbekstandı «sociallıq mámleket» principi tiykarında qurıwda;
- insan huqıqları hám erkinliklerin isenimli qorǵawda;
-ekologiya, ásirese, suw máseleleri boyınsha júzege kelip atırǵan mashqalalardı unamlı sheshiwde;
- erkin bazar mexanizmlerin engiziwde hám isbilermenlikti qollap-quwatlawda;
- jergilikli hám sırt el investiciyaların tartıwda áhmiyetli orın iyeleydi.
Sonday-aq, kelesi jılǵa «Insanǵa itibar hám sapalı bilimlendiriw jılı» dep atama beriliwi – bul “Insan qádirin ulıǵlaw” degen princip ámelge asırılıp atırǵan bıyılǵı jıldıń dawamı sıpatında qaralıwına tiykar boladı.
Sonıń menen birge, Húrmetli Prezidentimizdiń «Qaraqalpaqstannıń tabısı – pútkil Ózbekstannıń tabısı, Qaraqalpaqstannıń táshwishi – pútkil Ózbekstannıń táshwishi» -dep aytqan sózleri xalqımızǵa bolǵan sheksiz húrmet hám isenimniń jáne bir kórinisi ekenligi ayrıqsha atap ótildi.
Qaraqalpaqstan Respublikası Joqarǵı Keńesiniń Málimleme xızmeti