Hár bir insan mehir hám itibarǵa ılayıq
1212
Bayram qarsańında orınlardaǵı awır turmıs sharayatında jasap atırǵan, mayıplıǵı bolǵan, baǵıwshısınan ayırılǵan hám basqa da sociallıq qorǵawǵa mútáj puqaralardıń halınan xabar alınıp, jańa jıl bayramı múnásibeti menen qutlıqlap, bayram sawǵaların tapsırıw dawam etpekte.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev bir neshe kúnlerden berli respublikamızdıń kópshilik orınlarında bolıp, turmıs sınaqlarında qıynalǵan watanlaslarımızdı bayram menen qutlıqlap, olarǵa jańa jıl sawǵaların úlesip atır. Búgin Nókis rayonı «Aqmańǵıt» posyolka puqaralar jıyınında jaylasqan Nókis rayonı sociallıq, medicinalıq xızmetlerdi rawajlandırıw bólimine qaraslı kekseler úyine bardı.
Bul jerde Joqarǵı Keńes Baslıǵı jalǵız baslı, baǵıwshısınan ayırılǵan, ózgeniń járdemine mútáj insanlar halınan xabar alıp, olardı bayram múnásibeti menen qutlıqladı.
Sonıń menen birge, elimizde hár bir puqara itibarda ekenligi, hár bir járdemge mútáj puqara mámleket ǵamqorlıǵında bolıp, olar bárháma qádirleniwin atap ótti.
Aytıp ótiw orınlı, usı kekseler úyinde 16 jalǵız baslı, baǵıwshısın joǵaltqan hám járdemge mútáj insanlar jasap atırǵan bolıp, olarǵa bayram aldınan birinshi gezektegi zárúrli azıq-awqat ónimleri, kiyim-kenshekler, televizor, ıssı kórpe, xojalıq buyımları tapsırıldı.
Hár bir insan mehir hám itibarǵa ılayıq, - degen jaqsı ideya tiykarında mútáj insanlardıń halınan xabar alıw dawam etpekte.
Bul jerde Joqarǵı Keńes Baslıǵı jalǵız baslı, baǵıwshısınan ayırılǵan, ózgeniń járdemine mútáj insanlar halınan xabar alıp, olardı bayram múnásibeti menen qutlıqladı.
Hár bir insan mehir hám itibarǵa ılayıq, - degen jaqsı ideya tiykarında mútáj insanlardıń halınan xabar alıw dawam etpekte.
Qaraqalpaqstan Respublikası Joqarǵı Keńesiniń Málimleme xızmeti