Joqarǵı Keńes Baslıǵı respublikalıq kóp tarmaqlı balalar medicina orayında bolıp, balalardı jańa jıl menen qutlıqladı

Balar biziń keleshegimiz, erteńgi kúnimiz dawamshısı. Dúnyaǵa tek jaqsılıq kózi menen qarawshı bul pák kewil iyeleri hámiyshe itibarǵa, mehir kórsetiwge ılayıq. Erteklerge tán bolǵan jańa jıl bayramın bul pák kewil iyeleri ayrıqsha ıqlas penen kútedi. Jańa jıl qarsańında keleshegimiz iyeleri bolǵan balalarǵa bayramǵa tán keypiyat bólisiw, olarǵa jańa jıl sawǵaların úlesiw maqsetinde búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Respublikalıq kóp tarmaqlı balalar emlewxanasında boldı. Balalardı hám olardıń jaqınların jańa jıl bayramı múnásibeti menen qutlıqlap, nawqaslıǵı tez arada artta qalıwın tilep, bayram sawǵaların tapsırdı.

 

Qaraqalpaqstan Respublikası Joqarǵı Keńesiniń Málimleme xızmeti