Bala kúlkisinde álem quwanıshı jámlengen
1247
Balalarǵa bayram keypiyatın bólisiw, olarǵa az da bolsa quwanısh inám etiw hár bir insandı eki ese quwanısh hám baxıtqa bóleydi desek aljaspaǵan bolamız. Sebebi, bala kúlkisinde dúnya quwanıshı, mehir-muxabbat, jıllılıq jámlengen.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev búgin Nókis qalasındaǵı Respublikalıq ruwxıy hám nevrologiya kesellikleri dispanserinde emlenip atırǵan balalardıń halınan xabar alıp, olardı hám jaqınların kirip kiyatırǵan Jańa jıl bayramı múnásibeti menen qutlıqladı.
Medicina birlespesinde emlenip atırǵan nawqaslarǵa salamatlıq hám tez arada awırıwınan ayıǵıp ketiwin tilep, bayram sawǵaların tapsırdı.
Shıraylı etip bezetilgen Jańa jıl shırshası átirapında balalar menen birge Jańa jıl qosıqları aytılıp, kewillerge jaqsılıq inám etildi.
Qaraqalpaqstan Respublikası Joqarǵı Keńesiniń Málimleme xızmeti