«Imkon» shın mánisinde nawqaslıǵı bar balalar ushın imkaniyatlar mаskanine aylanǵan
1894
Húrmetli Prezidentimizdiń baslaması menen Qaraqalpaqstanda shólkemlestirilgen qánigelestirilgen mektepke shekemgi bilimlendiriw shólkemi hár qıylı fizikalıq nawqaslıǵı bolǵan balalardı sociallıq-mádeniy ortalıqqa tartıw, olardı mektepke shekemgi bilimlendiriw hám salamatlastırıw reabilitaciyası menen támiyinlewge qánigelestirilgen «Imkon» orayı búgin kópshilik nawqas balalarǵa shıpa máskanı bolmaqta.
Bayram qarsańında Qaraqalpaqstan Respublikası Joqarǵı Keńesiniń Baslıǵı Amanbay Orınbaev «Imkon» reabilitaciya orayına iye bolǵan mektepke shekemgi bilimlendiriw shólkeminde bolıp, usı jerde tárbiyalanıp atırǵan balalardı jańa jıl bayramı múnásibeti menen qutlıqladı.
Hár bir nawqaslıǵı bar bala usı máskannan shıpa tawıp, ápiwayı turmısqa kónligip ketiwin tiledi. Sonday-aq, balalarǵa bayram keypiyatın bólisiw maqsetinde jańa jıl sawǵaları tapsırıldı.
«Imkon» orayında shólkemlestirilgen jańa jıl bayramında balalar menen birge jańa jıl shırshası átirapında qosıqlar, jaqsı tilekler aytılıp, hár qıylı oyın-zawıqlar menen dawam etti.
Haqıyqatında da, kórip guwası bolǵanımızday «Imkon» shın mánisinde nawqaslıǵı bar balalar ushın imkaniyatlar máskanı, ǵamqorlıqtıń ayqın kórinisi bolmaqta hám bul orında da jańa jıl bayram joqarı keypiyatta belgilenbekte.
Bayram qarsańında Qaraqalpaqstan Respublikası Joqarǵı Keńesiniń Baslıǵı Amanbay Orınbaev «Imkon» reabilitaciya orayına iye bolǵan mektepke shekemgi bilimlendiriw shólkeminde bolıp, usı jerde tárbiyalanıp atırǵan balalardı jańa jıl bayramı múnásibeti menen qutlıqladı.
Hár bir nawqaslıǵı bar bala usı máskannan shıpa tawıp, ápiwayı turmısqa kónligip ketiwin tiledi. Sonday-aq, balalarǵa bayram keypiyatın bólisiw maqsetinde jańa jıl sawǵaları tapsırıldı.
Qaraqalpaqstan Respublikası Joqarǵı Keńesiniń Málimleme xızmeti