Qazaqstan Respublikasınıń Astana qalasında qaraqalpaq hám qazaq tilshi ilimpazları avtorlıǵındaǵı «Qazaq hám qaraqalpaq tilleriniń salıstırmalı-paremiologiyalıq sózligi» kitabı baspadan shıqtı
1867
Sózlikte qaraqalpaq hám qazaq tillerindegi naqıl-maqallar salıstırılıp, olardıń mánilerine túsinik berilgen. Sonıń menen birge, hár bir naqıl-maqallardıń izinde olardıń rus hám inglis tillerindegi mánileri de keltirilgen.
Sózlikti dúziwge qaraqalpaq ilimpazlarınan filologiya ilimleriniń doktorı, professor hám Joqarǵı Keńes deputatı Sh.N.Abdinazimov hám onıń shákirti PhD G.Allambergenovalar qatnastı.
Qazaqstan paytaxtındaǵı «Bulatov A.Sh» baspasında jarıq kórgen bul sózliktiń redaktorı belgili qazaq tilshi ilimpazı, filologiya ilimleriniń doktorı M.Eskeeva bolıp, kólemi 732 bet, 52,4 baspa tabaqtı quraydı.
Qaraqalpaqstan Respublikası Joqarǵı Keńesiniń Málimleme xızmeti