Joqarǵı Keńes Baslıǵınıń tapsırmasına muwapıq Taqıyatas rayonında úyreniw jumısları alıp barılmaqta
1305
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonınıń social-ekonomikalıq jaǵdayı, rayonda búgingi kúnde xalıqtıń abadan turmısın támiyinlew baǵdarındaǵı jumıslar menen tanısıw maqsetinde rayonda bolıp, kemshiliklerdi sınǵa alǵan edi. Sonday-aq, Joqarǵı Keńes Baslıǵı Taqıyatas rayonında mámleketlik baǵdarlamalardıń orınlanıwın támiyinlew hám berilgen tapsırmalardı qadaǵalap barıw ushın Joqarǵı Keńestiń komitet baslıǵı Sh.Ótemisovtı Taqıyatas rayonına juwapker etip bekitken edi.
Berilgen tapsırmalardı orınlaw hám atap ótilgen kemshiliklerdi saplastırıw boyınsha bekitilgen juwapker basshılıǵında rayonda májlis ótkerildi.
Bolıp ótken májliste rayon sektor baslıqları, hákim orınbasarları hám tiyisli taraw wákilleri qatnastı.
Orın alǵan kemshilikler hám olardıń saplastırılıwı boyınsha berilgen hár bir tapsırmalardıń orınlanıwı boyınsha juwapkerlerdiń jumısları kórip shıǵıldı.
Sonıń menen birge, aldaǵı ámelge asırılıwı tiyis bolǵan jumıslar rejelestirilip, taraw wákilleriniń jumısları talqılandı.
Májlis juwmaǵı menen Sh.Ótemisov aymaqlar boylap aytılǵan kemshiliklerdiń saplastırılıwı boyınsha úyreniw jumısların alıp bardı.
Úyreniw dawamında xızmet kórsetiw obektleri, qurılıp atırǵan piyadalar jolları, túngi jarıtqıshlar hám sociallıq obektlerdiń qurılıs-ońlaw jumısları menen jaqınnan tanıstı.
Sonday-aq, bekitilgen juwapker rayonlıq Medicina birlespesinde bolıp, ondaǵı dawam etip atırǵan qurılıs-ońlaw jumısların barıp kórdi hám belgilengen jumıslardı óz waqtında sapalı tapsırıw kerek ekenligin atap ótip, qurılıs jumısları múddetinde juwmaqlanbasa tiyisli tártipte juwapkershilik bar ekenligin eskertti.
Orın alǵan kemshilikler hám olardıń saplastırılıwı boyınsha berilgen hár bir tapsırmalardıń orınlanıwı boyınsha juwapkerlerdiń jumısları kórip shıǵıldı.
Sonıń menen birge, aldaǵı ámelge asırılıwı tiyis bolǵan jumıslar rejelestirilip, taraw wákilleriniń jumısları talqılandı.
Májlis juwmaǵı menen Sh.Ótemisov aymaqlar boylap aytılǵan kemshiliklerdiń saplastırılıwı boyınsha úyreniw jumısların alıp bardı.
Úyreniw dawamında xızmet kórsetiw obektleri, qurılıp atırǵan piyadalar jolları, túngi jarıtqıshlar hám sociallıq obektlerdiń qurılıs-ońlaw jumısları menen jaqınnan tanıstı.
Sonday-aq, bekitilgen juwapker rayonlıq Medicina birlespesinde bolıp, ondaǵı dawam etip atırǵan qurılıs-ońlaw jumısların barıp kórdi hám belgilengen jumıslardı óz waqtında sapalı tapsırıw kerek ekenligin atap ótip, qurılıs jumısları múddetinde juwmaqlanbasa tiyisli tártipte juwapkershilik bar ekenligin eskertti.
Qaraqalpaqstan Respublikası Joqarǵı Keńesiniń Málimleme xızmeti