Senator Prezident qararı tiykarında ámelge asırılıp atırǵan jumıslar menen tanıstı
1151
Ózbekstan Respublikası Oliy Majlisi Senatı aǵzası B.Matmuratov basshılıǵında Tórtkúl rayonı májilisler zalında Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqında»ǵı PQ-408-sanlı qararı tiykarında máhálleler infrastrukturasın rawajlandırıw baǵdarlaması sheńberinde alıp barılıp atırǵan jumıslar boyınsha jıynalıs ótkerildi.
Onda senator qarar tiykarında ajıratılǵan qarjılardıń nátiyjeli jumsalıwı, qurılıs jumıslarınıń óz waqtında orınlanıwı boyınsha juwapkerlerge tapsırmalar berdi.
Bunnan soń, senator B.Matmuratov tiyisli taraw wákilleri hám deputatlar menen birgelikte «Shadlıq» MPJ hám «Tazabaǵjap» APJda qarar tiykarında alıp barılıp atırǵan jumıslardı kózden ótkerdi.
Juwapkerlerge qurılıs jumısların óz waqtında sapalı túrde orınlaw kerekligin atap ótip, anıq wazıypalardı belgilep alındı.
Qaraqalpaqstan Respublikası Joqarǵı Keńesiniń Málimleme xızmeti