Birge islesiw jumıstıń nátiyjeliligin arttıradı
1217
Orınlarda deputatlar tárepinen máhállelerdiń infrastrukturasın jaqsılaw boyınsha ámelge asırılıp atırǵan jumıslardıń barısı úyrenilmekte.
Qaraqalpaqstan Respublikası Joqarǵı Keńesiniń komitet baslıǵı Sh.Ótemisov Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhállelerdiń infrastrukturasın jáne de jaqsılaw boyınsha qosımsha ilajlar haqqında»ǵı qararı tiykarında Qońırat rayonı aymaǵında ámelge asırılıp atırǵan jumıslar menen tanısıw maqsetinde usı rayonda boldı.
Joqarǵı Keńestiń komitet baslıǵı Sh.Ótemisov, Qońırat rayonı hákiminiń orınbasarı A.Seytmuratov, Xalıq deputatları rayonlıq Keńesiniń sekretariat baslıǵı B.Walibaeva, Máhálle hám nuranıylardı qollap-quwatlaw bóliminiń baslıǵı E.Turdımuratov hám rayon prokuraturası xızmetkerlerinen dúzilgen topar menen birge Mıńjarǵan MPJ aymaǵındaǵı ishki jollarda ámelge asırılıp atırǵan qurılıs jumısları menen tanıstı.
Házirgi waqıtta bul jerde ishki jollar átirapındaǵı piyadalar jolları ushın shaǵıl tas tósew jumısları ámelge asırılmaqta.
Qurılısshılar menen sáwbetlesiwler ótkerilip, jumıslardı ele de jedellestiriw boyınsha pikir-usınısları tıńlandı.
