Qaraqalpaqstan Respublikası Joqarǵı Keńesiniń Baslıǵı Nókis waqıyaları boyınsha sudlanıp atırǵan sudlanıwshılarǵa nızam sheńberinde jeńillik beriwin soradı
2064
Buxara wálayatı sudı imaratında 2022-jıl 1-2-iyul kúnleri Nókis qalasında bolıp ótken ǵalabalıq tártipsizlikler boyınsha 22 sudlanıwshılardıń qarsısındaǵı jınayat isin ashıq sud májlisinde kórip shıǵıw dawam etpekte.
Búgingi sud májlisinde Qaraqalpaqstan Respublikası Joqarǵı Keńesiniń Baslıǵı A.Orınbaevtıń kórsetpeleri tıńlandı. Sudlanıwshılar qılmıslarınan shın kewilden pushayman ekenliklerin bildirip, keshirim soradı hám húrmetli Prezidentimizge jetkeriwdi ótinish etti.
Joqarǵı Keńes Baslıǵı A.Orınbaev sudlanıwshılar kim bolıwına qaramastan Ózbekstan Respublikası puxaraları, Qaraqalpaqstan azamatları ekenliklerin, olardıń ótinishlerin álbette jetkeriwin bildirip, sud quramınan sudlanıwshılarǵa nızam sheńberinde jeńillik beriwin soradı.
Qaraqalpaqstan Respublikası Joqarǵı Keńesiniń Málimleme xızmeti