“Hayallar dápteri” menen islesiw sisteması boyınsha áhmiyetli seminar bolıp ótti

Mámleketimizde hayal-qızlardı hár tárepleme qollap-quwatlaw, olardıń sociallıq-ekonomikalıq belsendiligin arttırıw, bántligin támiyinlew, járdemge mútáj hayal-qızlardıń mashqalaların sheshiw boyınsha keń kólemli jumıslar amelge asırılmaqta. Bunday reformalar eń dáslep «Insan qádiri ushın» principi tiykarında xızmet etip atırǵanı menen ahmiyetli. Moynaq rayonı hákimliginiń májilisler zalında rayonda “Hayallar dápteri” menen islesiw sistemasınıń 4-basqıshın shólkemlestiriw hám ámelge asırıw boyınsha seminar bolıp ótti. Seminarǵa Ózbekstan Kásiplik awqamları Federaciyası baslıǵı orınbasarı Q.Qirgizaliev, Federaciyanıń Qaraqalpaqstan Respublikası Keńesi baslıǵı, senator U.Jalmenov, sonday-aq, rayon hákiminiń orınbasarları, makeme, shólkem basshıları hám mahállelerdegi hayal-qızlar belsendileri qatnastı. “Hayallar dápteri” sistemasınıń 3-basqıshında ámelge asırılǵan jumıslar kórip shıǵılıp, 2023-jıl dawamında ámelge asırılatuǵın wazıypalar haqqında keń túrde túsinikler berildi.

Qaraqalpaqstan Respublikası Joqarǵı Keńesiniń Málimleme xızmeti