Joqarǵı Keńes Baslıǵı tárepinen Milliy gvardiya xızmetkerlerine jańa turaq-jaylardıń giltleri tapsırıldı
3660
Sonǵı jılları áskeriy xızmetkerlerdiń hám olardıń shańaraq aǵzaların sociallıq qollap-quwatlaw, áskeriy qalashalardı abadanlastırıw, zamanagóy infrastrukturanı qáliplestiriw boyınsha sistemalı jumıslar ámelge asırılıp kelinbekte.
Búgin Nókis qalasındaǵı Qumbız awıl mákan puqaralar jıyınında Milliy gvardiya xızmetkerleri ushın arnap qurılǵan kóp qabatlı jańa turaq jaydıń ashılıw máresimi bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, imarat iyelerin jańa qonısqa kóship kelgenligi múnásibeti menen qutlıqladı hám Ózbekstan Respublikası Milliy gvardiyası Qaraqalpaqstan Respublikası boyınsha basqarmasınıń 30 xızmetkerine jańa úylerdiń giltlerin tapsırdı.
Elimiz tınıshlıǵın qorǵaw, jámiyette tártip-intizam húkim súriwin, eń baslısı, puqaralarımızdıń tınısh uyqısın támiyinlew jolında áskeriy xızmetkerlerdiń tutqan ornı ayrıqsha. Tınıshlıq saqshıların qollap-quwatlaw baǵdarında jeńilletilgen ipoteka kreditleri tiykarında qurıp pitkerilgen úylerdiń baslanǵısh tólemleri mámleketimiz tárepinen tólep berilgen bolıp, bul áskeriy xızmetkerlerdi qollap-quwatlaw baǵdarındaǵı jumıslardıń jáne bir ámeliy kórinisi esaplanadı.
Elimiz tınıshlıǵın qorǵaw, jámiyette tártip-intizam húkim súriwin, eń baslısı, puqaralarımızdıń tınısh uyqısın támiyinlew jolında áskeriy xızmetkerlerdiń tutqan ornı ayrıqsha. Tınıshlıq saqshıların qollap-quwatlaw baǵdarında jeńilletilgen ipoteka kreditleri tiykarında qurıp pitkerilgen úylerdiń baslanǵısh tólemleri mámleketimiz tárepinen tólep berilgen bolıp, bul áskeriy xızmetkerlerdi qollap-quwatlaw baǵdarındaǵı jumıslardıń jáne bir ámeliy kórinisi esaplanadı.
Qaraqalpaqstan Respublikası Joqarǵı Keńesiniń Málimleme xızmeti