Joqarǵı Keńes Baslıǵı jańa kárxana jumısları menen jaqınnan tanıstı
2204
Búgingi kúnde xalqımızǵa sapalı ishimlik suwın jetkerip beriw, sonıń menen birge awıl xojalıǵı maydanlarına suw resursların tejewshi úskeneler arqalı suw jetkerip beriliwin támiyinlewde suw qubırlarınıń tutqan ornı áhmiyetli esaplanadı.
Nókis qalasında usı tiykardaǵı jumıslarǵa zárúrli ónimlerdi jetkerip beriwge arnalǵan “SOF POLYMER” JShJ kárxanası jumıs basladı.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev jańadan ashılǵan islep shıǵarıw ornın kóriw maqsetinde kárxanada boldı.
Joqarǵı Keńes Baslıǵı kárxana jumısların kózden ótkerip, sanaat ónimlerin islep shıǵarıwdı keńeytiw, bul arqalı jańa jumıs orınların jaratıw kúnniń áhmiyetli máselelerinen biri ekenligin atap ótti.
Aytıp ótiw orınlı, joybardıń ulıwma bahası 10 mlrd swm bolıp, házirgi waqıtta 10 adam turaqlı jumıs penen támiyinlengen. Kárxanada sutkasına 50 mm.den 250 mm.ge shekem bolǵan ólshemlerde 6 mıń metr polietilen qubırlar islep shıǵarılmaqta.
Aytıp ótiw orınlı, joybardıń ulıwma bahası 10 mlrd swm bolıp, házirgi waqıtta 10 adam turaqlı jumıs penen támiyinlengen. Kárxanada sutkasına 50 mm.den 250 mm.ge shekem bolǵan ólshemlerde 6 mıń metr polietilen qubırlar islep shıǵarılmaqta.
Qaraqalpaqstan Respublikası Joqarǵı Keńesiniń Málimleme xızmeti