Joqarǵı Keńes Baslıǵı alıs Taxtakópirdegi sharwalardan xabar aldı
1486
Sharwashılıq ázelden xalqımızdıń kúndelikli turmısında úlken áhmiyetke iye taraw bolıp, túye, jılqı, qara mal menen birge mayda shaqlı mallar tórt túliktiń biri sıpatında qaralǵan. Házirgi waqıtta da awıllıq jerlerdiń kópshilik xalqı turmısında sharwashılıq óz áhmiyetin joytpaǵan.
Búgingi kúnde de respublikamızda bul jónelis jańasha kóriniste yaǵnıy, klaster, sharwashılıq fermer xojalıǵı sıyaqlı baǵdarlarda rawajlanıp atır.
Usı baǵdardaǵı jumıslar menen tanısıw hám sharwalarǵa harmasın aytıw maqsetinde Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taxtakópir rayonındaǵı alıs Qońıratkól aymaǵında jaylasqan qarakólshilikke qánigelesken “Jeti nura” fermer xojalıǵı miynetkeshleri halınan xabar aldı.
Usenov Orınbasar basshılıǵındaǵı fermer xojalıǵı jumısları kózden ótkerilip, olarǵa zárúrli azıq-awqat ónimleri tapsırıldı.
Aytıp ótiw orınlı, qarakólshilikke qánigelesken fermer xojalıǵında 500 bastan aslam qoy baǵılıp atırǵan bolıp, onıń sapalı sur hám gósh ónimlerin jetkerip beriwdegi áhmiyeti ayrıqsha. Bunnan tısqarı, qara mal hám eshki baǵıwda qosımsha jolǵa qoyılǵan.
Joqarǵı Keńes Baslıǵı fermer xojalıǵı jumısları menen jaqınnan tanısıp, óz náwbetinde, elimizde sharwashılıq, sonıń ishinde qarakólshilik jónelisin elede rawajlandırıw kerekligin atap ótti.
Sonıń menen birge sharwalardı sapalı hám arzan ot-jem menen támiyinlew boyınsha juwapkerlerge tapsırmalar berildi.
Usenov Orınbasar basshılıǵındaǵı fermer xojalıǵı jumısları kózden ótkerilip, olarǵa zárúrli azıq-awqat ónimleri tapsırıldı.
Aytıp ótiw orınlı, qarakólshilikke qánigelesken fermer xojalıǵında 500 bastan aslam qoy baǵılıp atırǵan bolıp, onıń sapalı sur hám gósh ónimlerin jetkerip beriwdegi áhmiyeti ayrıqsha. Bunnan tısqarı, qara mal hám eshki baǵıwda qosımsha jolǵa qoyılǵan.
Joqarǵı Keńes Baslıǵı fermer xojalıǵı jumısları menen jaqınnan tanısıp, óz náwbetinde, elimizde sharwashılıq, sonıń ishinde qarakólshilik jónelisin elede rawajlandırıw kerekligin atap ótti.
Sonıń menen birge sharwalardı sapalı hám arzan ot-jem menen támiyinlew boyınsha juwapkerlerge tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti