Alıs Beltaw APJ xalqın ishimlik suwı menen támiyinlew hám jańa egislik maydanların ashıw baǵdarındaǵı jumıslar baslap jiberildi
1562
Respublikamızdıń alıs aymaqlarında jasawshı puqaralardı ishimlik suwı menen támiyinlew, olardıń kúndelikli turmısında paydalanıwı ushın suw jetkerip beriliwin jolǵa qoyıw maqsetinde Joqarǵı Keńes Baslıǵınıń baslaması menen Qaraqalpaqstan Respublikasına 9 dana burǵılawshı texnikalar yaǵnıy 4 dana URB 25 markalı hám 6 dana URB 600 markalı joqarı texnologiyalı úskeneler alıp kelingen edi.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taxtakópir rayonı Beltaw APJ aymaǵında artezian qudıqların qazıw hám Beltaw puqaraların suw menen támiyinlew baǵdarında alıp barılıp atırǵan jumıslardı barıp kórdi.
Aytıp ótiw orınlı, búgingi kúnde Beltaw awıl puqaralar jıyını turǵınların suw menen támiyinlew maqsetinde tereńligi 480-520 metrli artezian qudıqları qazılıp, dushshı jer astı suwları shıǵarılıwı jolǵa qoyılǵan.
Sonday-aq, aymaqta jańa egislik jerlerin ashıw maqsetinde 2,500 gektar jer maydanı tayarlanıp atır. Bul ushın zárúrli barlıq texnikalar mobilizaciya etilgen. Sonıń menen birge, usı egislik maydanlarına tamshılatıp suwǵarıw jolı menen suw jetkerip beriliwin támiyinlew maqsetinde 12 orında jasalma suw saqlawshı basseynlerdi qazıw jumısları da jedellik penen alıp barılmaqta.
Jasalma basseynler artezian qudıqları arqalı suw menen ǵamlanadı hám awıl xojalıǵı ushın jumsaladı.
Bul ámelge asırılıp atırǵan jumıslar nátiyjesinde awıl turǵınları suw menen támiyinlenedi, eń baslısı, jańa jerler ashılıwı menen awıl xalqı ushın jańa jumıs orınları da jaratılıp, aymaq turǵınlarınıń turmıs abadanlıǵı jaqsılanadı.
Atap ótiw orınlı bıyılǵı jıldıń ózinde jańadan ashılıp atırǵan jerlerde úlken maydanda baǵ jaratılıp, awıl xojalıǵı ónimlerin egiw jumısları alıp barılıwı belgilengen.
Qaraqalpaqstan Respublikası Joqarǵı Keńesiniń Baslıǵı baslanǵan jumıslardı bir kúnde toqtatpay dawam ettiriw kerek ekenligin atap ótip, bunıń ushın zárúr bolǵan barlıq ámellerdi iske qosıw boyınsha tapsırmalar berdi.
Aytıp ótiw orınlı, búgingi kúnde Beltaw awıl puqaralar jıyını turǵınların suw menen támiyinlew maqsetinde tereńligi 480-520 metrli artezian qudıqları qazılıp, dushshı jer astı suwları shıǵarılıwı jolǵa qoyılǵan.
Sonday-aq, aymaqta jańa egislik jerlerin ashıw maqsetinde 2,500 gektar jer maydanı tayarlanıp atır. Bul ushın zárúrli barlıq texnikalar mobilizaciya etilgen. Sonıń menen birge, usı egislik maydanlarına tamshılatıp suwǵarıw jolı menen suw jetkerip beriliwin támiyinlew maqsetinde 12 orında jasalma suw saqlawshı basseynlerdi qazıw jumısları da jedellik penen alıp barılmaqta.
Jasalma basseynler artezian qudıqları arqalı suw menen ǵamlanadı hám awıl xojalıǵı ushın jumsaladı.
Bul ámelge asırılıp atırǵan jumıslar nátiyjesinde awıl turǵınları suw menen támiyinlenedi, eń baslısı, jańa jerler ashılıwı menen awıl xalqı ushın jańa jumıs orınları da jaratılıp, aymaq turǵınlarınıń turmıs abadanlıǵı jaqsılanadı.
Atap ótiw orınlı bıyılǵı jıldıń ózinde jańadan ashılıp atırǵan jerlerde úlken maydanda baǵ jaratılıp, awıl xojalıǵı ónimlerin egiw jumısları alıp barılıwı belgilengen.
Qaraqalpaqstan Respublikası Joqarǵı Keńesiniń Baslıǵı baslanǵan jumıslardı bir kúnde toqtatpay dawam ettiriw kerek ekenligin atap ótip, bunıń ushın zárúr bolǵan barlıq ámellerdi iske qosıw boyınsha tapsırmalar berdi.
Qaraqalpaqstan Respublikası Joqarǵı Keńesiniń Málimleme xızmeti