Joqarǵı Keńes Baslıǵı tárepinen bir qatar áskeriy taraw xızmetkerlerine jańa turaq-jaylardıń giltleri tapsırıldı

Áskeriy xızmetkerlerdi hám olardıń shańaraq aǵzaların sociallıq qollap-quwatlaw, áskeriy qalashalardı abadanlastırıw, zamanagóy infrastrukturanı qáliplestiriw boyınsha sistemalı jumıslar ámelge asırılıp atırǵan bolıp, kúndelikli turmısta bul jumıslar óziniń ámeliy kórinisin tawmaqta. Búgin Nókis qalasındaǵı Baǵshılıq mákan puqaralar jıyınında bir qatar áskeriy taraw xızmetkerleri ushın arnap qurılǵan kóp qabatlı turaq jaylardıń ashılıw máresimi bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı kirip kiyatırǵan 14-yanvar – «Watan qorǵawshıları kúni» hám bayram qarsańında jana turaq jaylardıń tapsırılıwı múnásibeti qızǵın qutlıqladı. Sonday-aq, bir qatar áskeriy taraw xızmetkerlerine jańa úy giltlerin tapsırdı. Aytıp ótiw orınlı, Baǵshılıq mákan puqaralar jıyını aymaǵında jámi 98 xojalıq ushın arnap qurılǵan 3 kóp qabatlı imarat jańadan boy tiklegen bolıp, barlıq qurılıs jumısları tolıq juwmaqlanǵan. Bugingi saltanatlı máresimde usı 98 shańaraqqa jańa úyler gilti tapsırıldı.

Qaraqalpaqstan Respublikası Joqarǵı Keńesiniń Málimleme xızmeti