Isbilermenler ushın Qaraqalpaqstan Respublikası Joqarǵı Keńesiniń Baslıǵınıń jeke qabıllawı bolıp ótti
2172
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Berdaq atındaǵı Qaraqalpaq mámleketlik universitetinde isbilermenler ushın jeke qabıllaw ótkerdi.
Azanda 10:30 da baslanǵan qabıllaw derlik 9 saǵat dawam etip 19:00 de juwmaqlandı. Ótkerilgen qabıllawda 81 isbilermen tárepinen jámi 87 máselede múrájatlar kelip tústi. Onda isbilermenlerdiń múrájatları tıńlanıp, ornında sheshim tabıw ilajları kórildi.
Qabıllawda isbilermenler tárepinen tiykarınan óz isbilermenligin rawajlandırıw baǵdarında ushırasıp atırǵan mashqalalar, qarjılandırıw hám kredit ajıratıw máseleleri, byurokratiyalıq tosıqlar, transport, logistika, islep shıǵarıw, óndiristi keńeytiw baǵdarında múrájatlar bildirilip, Joqarǵı Keńes Baslıǵı tárepinen barlıq mashqalalar tıńlandı.
Aytıp ótiw orınlı, búgingi elimizde isbilermenlerdi qollap-quwatlaw, biznesti rawajlandırıwdı támiyinlew baǵdarında kóplegen unamlı jumıslar ámelge asırılmaqta. Prezidentimiz tárepinen Qaraqalpaqstan Respublikası ushın qabıl etilgen 213-sanlı tariyxıy Pármanda da qaraqalpaqstanlı isbilermenler ushın bir qatar jeńillikler jaratılǵan bolıp, bul baǵdarda da kóplegen jumıslar jolǵa qoyılmaqta.
Ótkerilgen qabıllaw mine usı iygilikli jumıslardıń dawamı bolıp, barlıq ilajlar isbilermenlerdi qollap-quwatlaw hám olardıń mashqalaların sheshiwge qaratılǵan.
Bildirilgen múrájatlardıń basım kópshiligin ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Qaraqalpaqstan Respublikası Joqarǵı Keńesi Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Máselen, Nókis rayonınan kelgen Saparova Ayımxannıń isbilermenligin keńeytiwi ushın kerekli bolǵan 15 gektar jer maydanı ajıratıp beriletuǵın boldı. Ulbosın Orazbaevanıń isbilermenligin keńeytiw ushın alǵan kredit qarjıların tólewde ushırasıp atırǵan mashqalalarǵa bola, waqtınsha múddetli jeńillik beriw boyınsha múrájatına tiykar 6 ayǵa jeńillik beriletuǵın boldı. Sonday-aq, Berdishev Temirbek óz isbilermenligin keńeytiw ushın jer orın sorap bildirgen múrájatına tiykar, ózi qálegen ornınan jer ornı aukcionǵa qoyıp beriletuǵın boldı. Ulıwmalastırıp barlıq mashqalalar itibarǵa alınıp, nızam sheńberinde sheshimin tabıw ilajları kórildi.
Sonday-aq, óz baslaması menen kelgen isbilermenler pikirleri tıńlanıp, hár bir baslama kótergen, jańa jumıs ornın jarataman degen isbilermen qollap-quwatlanatuǵınlıǵı atap ótildi.
Azanda 10:30 da baslanǵan qabıllaw derlik 9 saǵat dawam etip 19:00 de juwmaqlandı. Ótkerilgen qabıllawda 81 isbilermen tárepinen jámi 87 máselede múrájatlar kelip tústi. Onda isbilermenlerdiń múrájatları tıńlanıp, ornında sheshim tabıw ilajları kórildi.
Qabıllawda isbilermenler tárepinen tiykarınan óz isbilermenligin rawajlandırıw baǵdarında ushırasıp atırǵan mashqalalar, qarjılandırıw hám kredit ajıratıw máseleleri, byurokratiyalıq tosıqlar, transport, logistika, islep shıǵarıw, óndiristi keńeytiw baǵdarında múrájatlar bildirilip, Joqarǵı Keńes Baslıǵı tárepinen barlıq mashqalalar tıńlandı.
Aytıp ótiw orınlı, búgingi elimizde isbilermenlerdi qollap-quwatlaw, biznesti rawajlandırıwdı támiyinlew baǵdarında kóplegen unamlı jumıslar ámelge asırılmaqta. Prezidentimiz tárepinen Qaraqalpaqstan Respublikası ushın qabıl etilgen 213-sanlı tariyxıy Pármanda da qaraqalpaqstanlı isbilermenler ushın bir qatar jeńillikler jaratılǵan bolıp, bul baǵdarda da kóplegen jumıslar jolǵa qoyılmaqta.
Ótkerilgen qabıllaw mine usı iygilikli jumıslardıń dawamı bolıp, barlıq ilajlar isbilermenlerdi qollap-quwatlaw hám olardıń mashqalaların sheshiwge qaratılǵan.
Bildirilgen múrájatlardıń basım kópshiligin ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Qaraqalpaqstan Respublikası Joqarǵı Keńesi Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Máselen, Nókis rayonınan kelgen Saparova Ayımxannıń isbilermenligin keńeytiwi ushın kerekli bolǵan 15 gektar jer maydanı ajıratıp beriletuǵın boldı. Ulbosın Orazbaevanıń isbilermenligin keńeytiw ushın alǵan kredit qarjıların tólewde ushırasıp atırǵan mashqalalarǵa bola, waqtınsha múddetli jeńillik beriw boyınsha múrájatına tiykar 6 ayǵa jeńillik beriletuǵın boldı. Sonday-aq, Berdishev Temirbek óz isbilermenligin keńeytiw ushın jer orın sorap bildirgen múrájatına tiykar, ózi qálegen ornınan jer ornı aukcionǵa qoyıp beriletuǵın boldı. Ulıwmalastırıp barlıq mashqalalar itibarǵa alınıp, nızam sheńberinde sheshimin tabıw ilajları kórildi.
Sonday-aq, óz baslaması menen kelgen isbilermenler pikirleri tıńlanıp, hár bir baslama kótergen, jańa jumıs ornın jarataman degen isbilermen qollap-quwatlanatuǵınlıǵı atap ótildi.
Qaraqalpaqstan Respublikası Joqarǵı Keńesiniń Málimleme xızmeti