Joqarǵı Keńes deputatları búgingi sınawlı kúnlerde óz jumısın pidayılıq penen atqarıp atırǵan taraw xızmetkerlerine minnetdarshılıq bildirdi
927
Qaraqalpaqstan Respublikası Joqarǵı Keńesine Ámiwdárya rayonınan saylanǵan deputatlar Q.Baymuratov, Ya.Axmedov hám S.Xojamuratovalar búgingi sınawlı kúnlerde óz jumısın pidayılıq penen atqarıp atırǵan taraw wákilleri menen ushırastı. Hawa rayınıń suwıtıp ketiwi menen baylanıslı elektr energiyasına bolǵan talap kúsheyip, taraw xızmetkerleriniń juwapkershiligin elede arttırıp atır. Óz náwbetinde elektr energiyasın turaqlı jetkerip beriliwin támiyinlewshi kárxana jumısshıları jumısların bar ǵayratı hám kúsh-jigeri menen minsiz atqarıp kelmekte. 
Joqarǵı Keńes deputatları taraw wákilleri menen ushırasıp, suwıq kúnlerde kórsetip atırǵan pidayılıqları ushın minnetdarshılıq bildirdi hám kúndelikli xızmetin atqarıwda zárúrli ásbap-úskenelerin alıwda ámeliy járdem kórsetti. Bunnan soń deputatlar rayonlıq abadanlastırıw xızmetkerleri menen ushırastı. Áne usı insanlardıń miynetleri menen kóshelerimiz taza hám azada. Olardıń mashaqatlı miynetleri barqulla itibarǵa ılayıq. Biz ıssı úyimizde shańaraq aǵzalarımız benen dásturxan átirapında otırǵanımızda olar qalamızdıń tazalıǵı ushın ayanbay miynet etip atır. Deputatlarımız tárepinen taraw xızmetkerleri ushın túslik shólkemlestirilip, kewiller xoshlandı.
Joqarǵı Keńes deputatları taraw wákilleri menen ushırasıp, suwıq kúnlerde kórsetip atırǵan pidayılıqları ushın minnetdarshılıq bildirdi hám kúndelikli xızmetin atqarıwda zárúrli ásbap-úskenelerin alıwda ámeliy járdem kórsetti. Bunnan soń deputatlar rayonlıq abadanlastırıw xızmetkerleri menen ushırastı. Áne usı insanlardıń miynetleri menen kóshelerimiz taza hám azada. Olardıń mashaqatlı miynetleri barqulla itibarǵa ılayıq. Biz ıssı úyimizde shańaraq aǵzalarımız benen dásturxan átirapında otırǵanımızda olar qalamızdıń tazalıǵı ushın ayanbay miynet etip atır. Deputatlarımız tárepinen taraw xızmetkerleri ushın túslik shólkemlestirilip, kewiller xoshlandı.
Qaraqalpaqstan Respublikası Joqarǵı Keńesiniń Málimleme xızmeti