Energiya támiynatındaǵı mashqalalar sın kózqarastan tallandı
1348
Prezident Shavkat Mirziyoevtiń basshılıǵında 16-yanvar kúni xalıqtı energiya resursları menen úzliksiz támiyinlew ilajları boyınsha videoselektor májilisi ótkerildi.
Keyingi jılları elimizge suwıq hawa aǵımı kirip keldi. Energiya hám ıssılıq támiynatında úzilisler baqlandı. Mámleketimiz basshısı bul máselege tereń toqtap, jedel ilajlar kóriliwin atap ótti.
– Men suwıqtan qıynalıp atırǵan hár bir shańaraq, hár bir insannıń jaǵdayın tereń táshwish hám azap penen júregimnen ótkerip atırman, – dedi Shavkat Mirziyoev. – Onı hár bir basshı seziwi kerek. Bıyılǵı suwıq pútkil sistemanıń jaǵdayın, qısqa tayarlıq jeńil-jelpi bolǵanın kórsetti. Endi usılayınsha dawam etiwi múmkin emes. Payda bolǵan jaǵdaydı ońlaw ushın jedel ilajlar kóremiz.
Májiliste tábiyǵıy gaz hám elektr támiynatı, kommunallıq tarawdaǵı mashqalalar sın kózqarastan tallandı.
Máselen, Tashkent qalasında onlaǵan máhállelerde elektr hám gaz támiynatında úzilisler bolǵan. Ayırım transformator hám az kúshleniwli tarmaqlar artıqsha júklemege shıdam bere almay isten shıqqan.
Onıń sebebi qurılısqa ruqsat berilgende, házirgi infrastrukturaǵa júkleme boyınsha anıq esap-sanaq etilmegen. Paytaxttıń Bas rejesi elege shekem tastıyıqlanbaǵan. Ruqsatsız qurılǵan obektlerdiń sanı 250 den artıp ketken.
Sonıń ushın, jaǵdayǵa aldınnan baha berip, qıs máwsimine kerekli dárejede tayarlıq kórmegeni ushın Tashkent qalası hákimi J.Ortiqxwjaev lawazımınan bosatıldı.
Tashkent wálayatı hákimi Z.Mirzaev qatań eskertildi, sonday-aq, respublikamızdaǵı bir qatar rayon hám qala hákimlerine sógis berildi.
Talimarjan ıssılıq stanciyasınıń energiya blogın ońlaw hám elektr energiyasın islep shıǵarıwdı támiyinlemegeni ushın energetika ministriniń orınbasarı Sh.Xodjaev hám «Íssılıq elektr stanciyaları» akcionerlik jámiyetiniń basshısı F.Abdurahmonov wazıypasınan bosatıldı. Sonday-aq, «Óztransgaz», «Ózbekneftgaz» hám «Aymaqlıq elektr tarmaqları» akcionerlik jámiyetleriniń basshılarına intizamiy jaza hám sınaq múddeti belgilendi.
Elektr hám gaz tarmaqlarında talan-tarajlıqlardıń kóp ekenligi kórsetip ótildi. Keyingi aylardıń ózinde neftgaz hám energiyanı qadaǵalaw sistemalarında 192 korrupciya jaǵdayları anıqlanǵan. Mámleketlik qáwipsizlik xızmeti hám Bas prokuraturaǵa bul tarawlardaǵı korrupciyanı joq etiw, avtomobilge gaz quyıw shaqapshalarındaǵı urlıqlarǵa shek qoyıw boyınsha kórsetpeler berildi.
Májiliste elektr hám gaz tarmaqlarınıń úzliksiz islewin támiyinlew boyınsha operativ ilajlar belgilendi.
Bas ministr hám energetika ministrine barlıq imkaniyatlardı iske qosıp, házirgi resurslardı ádil bólistirip, mashqalalı máhállelerge jedellik penen energiya jetkerip beriw wazıypası qoyıldı. Sırt elden tájiriybeli qánigelerdi tartıp, basqarıw hám óndiris processlerin sanlastırıw zárúr ekenligi atap ótildi.
Ekonomika hám qarjı ministrine energetika tarawı kárxanalarında esap-sanaqlardı tártipke salıw hám qarjı máselelerin sheshiw boyınsha tapsırma berildi.
Energiya támiynatındaǵı úzilislerdiń sebepleri hám kórilip atırǵan ilajlardı xalqımızǵa óz waqtında túsindirip barıw kerek. «Saqawat hám kómek» qorınan jalǵız kekseler, kóp perzentli járdemge mútáj shańaraqlarǵa járdem beriledi, awır jaǵdaylarda olar ıssı orınlarǵa kóshiriledi.
Diyqan bazarlarında sharayatlardı jaqsılap, ónimlerdiń zıyansız saqlanıwı hám bahanıń turaqlılıǵın támiyinlew de áhmiyetli ekenligi atap ótildi.
Energetika kárxanalarınıń basshıları hám hákimlerge keleshekte bunday jaǵdayǵa jol qoymaw ushın házirden anıq ilajlardı belgilew boyınsha kórsetpeler berildi.
Májiliste energetika ministri hám hákimler orınlarda kúsheytilgen tártipte alıp barılıp atırǵan jumıslar boyınsha málimleme berdi.
Máselen, Tashkent qalasında onlaǵan máhállelerde elektr hám gaz támiynatında úzilisler bolǵan. Ayırım transformator hám az kúshleniwli tarmaqlar artıqsha júklemege shıdam bere almay isten shıqqan.
Onıń sebebi qurılısqa ruqsat berilgende, házirgi infrastrukturaǵa júkleme boyınsha anıq esap-sanaq etilmegen. Paytaxttıń Bas rejesi elege shekem tastıyıqlanbaǵan. Ruqsatsız qurılǵan obektlerdiń sanı 250 den artıp ketken.
Sonıń ushın, jaǵdayǵa aldınnan baha berip, qıs máwsimine kerekli dárejede tayarlıq kórmegeni ushın Tashkent qalası hákimi J.Ortiqxwjaev lawazımınan bosatıldı.
Tashkent wálayatı hákimi Z.Mirzaev qatań eskertildi, sonday-aq, respublikamızdaǵı bir qatar rayon hám qala hákimlerine sógis berildi.
Talimarjan ıssılıq stanciyasınıń energiya blogın ońlaw hám elektr energiyasın islep shıǵarıwdı támiyinlemegeni ushın energetika ministriniń orınbasarı Sh.Xodjaev hám «Íssılıq elektr stanciyaları» akcionerlik jámiyetiniń basshısı F.Abdurahmonov wazıypasınan bosatıldı. Sonday-aq, «Óztransgaz», «Ózbekneftgaz» hám «Aymaqlıq elektr tarmaqları» akcionerlik jámiyetleriniń basshılarına intizamiy jaza hám sınaq múddeti belgilendi.
Elektr hám gaz tarmaqlarında talan-tarajlıqlardıń kóp ekenligi kórsetip ótildi. Keyingi aylardıń ózinde neftgaz hám energiyanı qadaǵalaw sistemalarında 192 korrupciya jaǵdayları anıqlanǵan. Mámleketlik qáwipsizlik xızmeti hám Bas prokuraturaǵa bul tarawlardaǵı korrupciyanı joq etiw, avtomobilge gaz quyıw shaqapshalarındaǵı urlıqlarǵa shek qoyıw boyınsha kórsetpeler berildi.
Májiliste elektr hám gaz tarmaqlarınıń úzliksiz islewin támiyinlew boyınsha operativ ilajlar belgilendi.
Bas ministr hám energetika ministrine barlıq imkaniyatlardı iske qosıp, házirgi resurslardı ádil bólistirip, mashqalalı máhállelerge jedellik penen energiya jetkerip beriw wazıypası qoyıldı. Sırt elden tájiriybeli qánigelerdi tartıp, basqarıw hám óndiris processlerin sanlastırıw zárúr ekenligi atap ótildi.
Ekonomika hám qarjı ministrine energetika tarawı kárxanalarında esap-sanaqlardı tártipke salıw hám qarjı máselelerin sheshiw boyınsha tapsırma berildi.
Energiya támiynatındaǵı úzilislerdiń sebepleri hám kórilip atırǵan ilajlardı xalqımızǵa óz waqtında túsindirip barıw kerek. «Saqawat hám kómek» qorınan jalǵız kekseler, kóp perzentli járdemge mútáj shańaraqlarǵa járdem beriledi, awır jaǵdaylarda olar ıssı orınlarǵa kóshiriledi.
Diyqan bazarlarında sharayatlardı jaqsılap, ónimlerdiń zıyansız saqlanıwı hám bahanıń turaqlılıǵın támiyinlew de áhmiyetli ekenligi atap ótildi.
Energetika kárxanalarınıń basshıları hám hákimlerge keleshekte bunday jaǵdayǵa jol qoymaw ushın házirden anıq ilajlardı belgilew boyınsha kórsetpeler berildi.
Májiliste energetika ministri hám hákimler orınlarda kúsheytilgen tártipte alıp barılıp atırǵan jumıslar boyınsha málimleme berdi.