Ózbekstan-Singapur: Kóp qırlı birge islesiwdi rawajlandırıwdıń jańa shıńları
1253
Búgin, 17-yanvar kúni Ózbekstan Prezidenti Shavkat Mirziyoevtiń Singapurǵa mámleketlik saparı sheńberinde joqarı dárejedegi ilajlar – usı mámleket Prezidenti Halima Yaqub hám Bas ministri Li Syan Lun menen sóylesiwler bolıp ótti. Prezident Shavkat Mirziyoevtiń Singapurǵa mámleketlik saparı sheńberinde joqarı dárejedegi ilajlar-usı mámleket Prezidenti Halima Yaqub hám bas ministri Li Syan Lun menen sóylesiwler bolıp ótti. Ózbekstan-Singapur sammitinen aldın Singapur Prezidentiniń «Istana» sarayında Sh.Mirziyoevti kútip alıw máresimi boldı. Saray aldındaǵı maydanda joqarı mártebeli miyman húrmetine Húrmetli qarawıl sap tarttı. Áskeriy orkestr eki mámlekettiń gimnlerin atqardı.
Ózbekstan Prezidenti Shavkat Mirziyoev hám Singapur Prezidenti Halima Yaqub Húrmetli qarawıl qatarı aldınan ótip, rásmiy delegaciyalar aǵzaların qutlıqladı. Soń Ózbekstan Prezidentiniń húrmetine Singapurdıń milliy belgisi bolǵan orxideya gúliniń jańa sortına atama beriw máresimi bolıp ótti. Bunday ilajlar dástúriy túrde mámlekettiń joqarı mártebeli miymanları hám belgili ǵayratkerlerge joqarı húrmet belgisi sıpatında ótkeriledi.
Dástúrge bola, Sh.Mirziyoev gúldiń janına jańa túrdegi orxideyanıń atı – «Shavkat Mirziyoev orxideyası» dep jazılǵan taxtayshanı jaylastırdı. Bul kórkem hám jayılıp ósiwshi gúl Encbi Purple hám Kila Blue orxideyalarınıń gibridi bolıp esaplanadı. Uzınlıǵı 45 santimetr bolǵan qabat-qabat japıraqlı qosgúller, olardıń hár birinde 17 den 20 ǵa shekem gúl payda etedi, hár bir gúldiń eni 5 santimetr átirapında. Ashıq sıyareń japıraqlar hám kese japıraqlardıń sheti jumsaq kógis reń. Bunnan soń Prezidentler eki tárepleme ushırasıw ótkerdi. Ózbekstan hám Singapur arasındaǵı qatnasıqlardı jáne de tereńlestiriw perspektivaları, jámiyetlik-siyasiy turmıstı demokratiyalastırıw baǵdarındaǵı reformalar boyınsha pikir alısıldı. Bilimlendiriw tarawında jedel birge islesip atırǵanı qanaatlanıwshılıq penen atap ótildi. Tashkentte Singapur menedjmentti rawajlandırıw institutı hám Singapur texnologiyalar, menedjement hám kommunikaciyalar akademiyası tabıslı jumıs alıp barmaqta.
Eki mámlekettiń Oraylıq hám Qubla-Shıǵıs Aziyada regionallıq birge islesiw hám integraciyanı keńeytiw baǵdarındaǵı tájiriybesi tolıq kórip shıǵıldı. Ózbekstan hám Singapur xalıqaralıq maydanlarda regionallıq turaqlılıq hám izbe-iz rawajlanıw máselelerinde bir-birin túsiniwi hám bul baǵdardaǵı baslamalardı ámelge asırıwǵa óz-ara járdemlesip atırǵanı atap ótildi. Ushırasıw juwmaǵında birge islesiwdiń tiykarǵı baǵdarları belgilep alındı. Shavkat Mirziyoev Halima Yaqubtı ózine qolaylı bolǵan waqıtta mámleketimizge sapar menen keliwge mirát etti. Soń «Istana» rezidenciyasında Prezidentimiz Singapur bas ministri Li Syan Lun menen sóylesiw ótkerdi. Jetekshiler birge islesiwdiń házirgi jaǵdayı hám perspektivaların hár tárepleme kórip shıqtı, tiykarǵı baǵdarlardaǵı baylanıslar jedel pát penen rawajlanıp baratırǵanı atap ótildi. Sonıń ishinde, sawda-ekonomikalıq tarawda sezilerli nátiyjelerge erisildi. Keyingi jılları tovar almasıw eki esege arttı. Ózbekstanda Singapur kapitalınıń qatnasıwındaǵı kárxanalar sanı 4 esege kóbeydi Bul mámleketten elimiz ekonomikasına tikkeley investiciyalar kólemi 700 million dollarǵa jetken. Kóplegen tarawlarda ámeliy birge islesiwdi keńeytiw ushın úlken rezervler bar ekenligi atap ótildi. Singapur-Aziya-Tınısh okeanı regionınıń ekonomikalıq orayı. Kóp jıllardan berli bul mámleket elektronika, ximiya sanaatı, biotexnologiyalar, bank tarawı, logistika hám transport mashina qurılısı sıyaqlı áhmiyetli tarmaqlardaǵı tabıslarına súyenip, jer júzindegi eń iri hám rawajlanǵan ekonomikalardan biri bolıp kelmekte. Usılardı esapqa alıp, mámleketimiz basshısı Singapur menen jaqın kelegeshektegi birge islesiwdiń bes tiykarǵı baǵdarın kórsetip ótti. Birinshisi –insan kapitalın rawajlandırıw hám mámleketlik basqarıw ushın joqarı tájiriybeli kadrlar tayarlaw. Li Kuan Yu atındaǵı Mámleketlik siyasat mektebiniń qatnasıwında basqarıw, qala qurılısı, infrastrukturanı rawajlandırıw, sanlı transformaciya, innovaciyalar, bilimlendiriw hám densawlıqtı saqlaw tarawlarında birgelikte mámleketlik xızmetkerlerdi tayarlaw hám olardıń mamanlıǵın arttırıw baǵdarlamasın ámelge asırıwǵa kelisip alındı. Sonday-aq, Ózbekstan Mámleketlik basqarıw akademiyası negizinde Singapurdıń jetekshi ekspertlerin tartqan halda mámleketlik xızmetkerlerdi intensiv qayta tayarlaw baǵdarlaması iske qosıladı. Ekinshi baǵdar Singapurdı Ózbekstandaǵı menshiklestiriw processlerine tartıwǵa qaratılǵan. Usı mánide, sóylesiwlerde Singapurdıń jetekshi kompaniyalarınıń aldıńǵı tájiriybesi, zamanagóy texnologiyaları hám basqarıw usıllarınan paydalanǵan halda Ózbekstannıń iri kárxanaların menshiklestiriw sheńberindegi joybarlardı ámelge asırıw perspektivaları dodalandı. Mámleketlik kárxanalardı transformaciyalaw hám strukturalıq ózgeris, keyin ala olardı IPOǵa shıǵarıw hám sırtqı investiciyalardı tartıw ushın birgeliktegi Investiciya qorın dúziw usınıs etildi. Úshinshi tiykarǵı baǵdar sıpatında aldıńǵı «jasıl» texnologiyalar hám sanlı sheshimlerdi tartıw belgilendi. Singapurdıń sanlastırıw tarawındaǵı jetiskenliklerin engiziw, sonday-aq, usı mámlekettiń «jasıl» rawajlanıw boyınsha innovaciyaları menen texnologiyaların qollanıw imkaniyatları dodalandı. Tórtinshisi – qala infrastrukturası hám kommunikaciyalardı jetilistiriw. Qalalardı rejelestiriw hám qurılıs, kóklemzarlastırıw, kommunallıq xojalıq tarawlarında birge islesiw boyınsha ilajlar kelisip alındı. Ózbekstanda infrastruktura hám tarmaq joybarların ámelge asırıw boyınsha birgeliktegi Joybarlastırıw hám injiniring orayın shólkemlestiriw boyınsha kelisim bul baǵdardaǵı birinshi qádem boldı. Birge islesiwdiń besinshi baǵdarı sheńberinde investiciyalar hám óz-ara sawdanı keńeytiw, Singapurdıń jetekshi kompaniyaları menen birgeliktegi joybarlardı ámelge asırıw zárúr ekenligi atap ótildi. Ustav kapitalı 500 million dollar bolǵan Ózbekstan-Singapur investiciya kompaniyasın shólkemlestiriw boyınsha kelisimge erisildi. Bunnan tısqarı, tárepler xalıqaralıq hám regionallıq kún tártibiniń áhmiyetli máseleleri boyınsha pikir alısıldı. Ashıq hám doslıq ruwxında bolıp ótken ushırasıw sońında Shavkat Mirziyoev Li Syan Lundı ózlerine qolaylı bolǵan waqıtta mámleketimizge sapar menen keliwge mirát etti. Delegaciyalar basshıları janında eki mámleket húkimetleri, ministrlikleri hám uyımları dárejesinde Ózbekstan-Singapur birge islesiwin jáne de keńeytiwge qaratılǵan 8 hújjet almasıldı. Atap aytqanda, bilimlendiriw, transport, densawlıqtı saqlaw, kadrlar, sonıń ishinde mámleketlik xızmetkerlerdi tayarlaw tarawlarında birge islesiw haqqında kelisimler qabıl etildi. Sonday-aq, sawda-ekonomikalıq sheriklik, eki mámleket prokuraturaları arasındaǵı birge islesiw boyınsha kelisimlerge erisildi. Kúnniń ekinshi yarımında mámleketimiz basshısı Li Kuan Yu atındaǵı Mámleketlik siyasat mektebine baradı hám Singapurdıń jetekshi kompaniyalarınıń basshıları menen ushırasıw ótkeredi. Búginniń ózinde Prezident Shavkat Mirziyoev Tashkentke jónep ketedi.
Ózbekstan Prezidenti Shavkat Mirziyoev hám Singapur Prezidenti Halima Yaqub Húrmetli qarawıl qatarı aldınan ótip, rásmiy delegaciyalar aǵzaların qutlıqladı. Soń Ózbekstan Prezidentiniń húrmetine Singapurdıń milliy belgisi bolǵan orxideya gúliniń jańa sortına atama beriw máresimi bolıp ótti. Bunday ilajlar dástúriy túrde mámlekettiń joqarı mártebeli miymanları hám belgili ǵayratkerlerge joqarı húrmet belgisi sıpatında ótkeriledi.
Dástúrge bola, Sh.Mirziyoev gúldiń janına jańa túrdegi orxideyanıń atı – «Shavkat Mirziyoev orxideyası» dep jazılǵan taxtayshanı jaylastırdı. Bul kórkem hám jayılıp ósiwshi gúl Encbi Purple hám Kila Blue orxideyalarınıń gibridi bolıp esaplanadı. Uzınlıǵı 45 santimetr bolǵan qabat-qabat japıraqlı qosgúller, olardıń hár birinde 17 den 20 ǵa shekem gúl payda etedi, hár bir gúldiń eni 5 santimetr átirapında. Ashıq sıyareń japıraqlar hám kese japıraqlardıń sheti jumsaq kógis reń. Bunnan soń Prezidentler eki tárepleme ushırasıw ótkerdi. Ózbekstan hám Singapur arasındaǵı qatnasıqlardı jáne de tereńlestiriw perspektivaları, jámiyetlik-siyasiy turmıstı demokratiyalastırıw baǵdarındaǵı reformalar boyınsha pikir alısıldı. Bilimlendiriw tarawında jedel birge islesip atırǵanı qanaatlanıwshılıq penen atap ótildi. Tashkentte Singapur menedjmentti rawajlandırıw institutı hám Singapur texnologiyalar, menedjement hám kommunikaciyalar akademiyası tabıslı jumıs alıp barmaqta.
Eki mámlekettiń Oraylıq hám Qubla-Shıǵıs Aziyada regionallıq birge islesiw hám integraciyanı keńeytiw baǵdarındaǵı tájiriybesi tolıq kórip shıǵıldı. Ózbekstan hám Singapur xalıqaralıq maydanlarda regionallıq turaqlılıq hám izbe-iz rawajlanıw máselelerinde bir-birin túsiniwi hám bul baǵdardaǵı baslamalardı ámelge asırıwǵa óz-ara járdemlesip atırǵanı atap ótildi. Ushırasıw juwmaǵında birge islesiwdiń tiykarǵı baǵdarları belgilep alındı. Shavkat Mirziyoev Halima Yaqubtı ózine qolaylı bolǵan waqıtta mámleketimizge sapar menen keliwge mirát etti. Soń «Istana» rezidenciyasında Prezidentimiz Singapur bas ministri Li Syan Lun menen sóylesiw ótkerdi. Jetekshiler birge islesiwdiń házirgi jaǵdayı hám perspektivaların hár tárepleme kórip shıqtı, tiykarǵı baǵdarlardaǵı baylanıslar jedel pát penen rawajlanıp baratırǵanı atap ótildi. Sonıń ishinde, sawda-ekonomikalıq tarawda sezilerli nátiyjelerge erisildi. Keyingi jılları tovar almasıw eki esege arttı. Ózbekstanda Singapur kapitalınıń qatnasıwındaǵı kárxanalar sanı 4 esege kóbeydi Bul mámleketten elimiz ekonomikasına tikkeley investiciyalar kólemi 700 million dollarǵa jetken. Kóplegen tarawlarda ámeliy birge islesiwdi keńeytiw ushın úlken rezervler bar ekenligi atap ótildi. Singapur-Aziya-Tınısh okeanı regionınıń ekonomikalıq orayı. Kóp jıllardan berli bul mámleket elektronika, ximiya sanaatı, biotexnologiyalar, bank tarawı, logistika hám transport mashina qurılısı sıyaqlı áhmiyetli tarmaqlardaǵı tabıslarına súyenip, jer júzindegi eń iri hám rawajlanǵan ekonomikalardan biri bolıp kelmekte. Usılardı esapqa alıp, mámleketimiz basshısı Singapur menen jaqın kelegeshektegi birge islesiwdiń bes tiykarǵı baǵdarın kórsetip ótti. Birinshisi –insan kapitalın rawajlandırıw hám mámleketlik basqarıw ushın joqarı tájiriybeli kadrlar tayarlaw. Li Kuan Yu atındaǵı Mámleketlik siyasat mektebiniń qatnasıwında basqarıw, qala qurılısı, infrastrukturanı rawajlandırıw, sanlı transformaciya, innovaciyalar, bilimlendiriw hám densawlıqtı saqlaw tarawlarında birgelikte mámleketlik xızmetkerlerdi tayarlaw hám olardıń mamanlıǵın arttırıw baǵdarlamasın ámelge asırıwǵa kelisip alındı. Sonday-aq, Ózbekstan Mámleketlik basqarıw akademiyası negizinde Singapurdıń jetekshi ekspertlerin tartqan halda mámleketlik xızmetkerlerdi intensiv qayta tayarlaw baǵdarlaması iske qosıladı. Ekinshi baǵdar Singapurdı Ózbekstandaǵı menshiklestiriw processlerine tartıwǵa qaratılǵan. Usı mánide, sóylesiwlerde Singapurdıń jetekshi kompaniyalarınıń aldıńǵı tájiriybesi, zamanagóy texnologiyaları hám basqarıw usıllarınan paydalanǵan halda Ózbekstannıń iri kárxanaların menshiklestiriw sheńberindegi joybarlardı ámelge asırıw perspektivaları dodalandı. Mámleketlik kárxanalardı transformaciyalaw hám strukturalıq ózgeris, keyin ala olardı IPOǵa shıǵarıw hám sırtqı investiciyalardı tartıw ushın birgeliktegi Investiciya qorın dúziw usınıs etildi. Úshinshi tiykarǵı baǵdar sıpatında aldıńǵı «jasıl» texnologiyalar hám sanlı sheshimlerdi tartıw belgilendi. Singapurdıń sanlastırıw tarawındaǵı jetiskenliklerin engiziw, sonday-aq, usı mámlekettiń «jasıl» rawajlanıw boyınsha innovaciyaları menen texnologiyaların qollanıw imkaniyatları dodalandı. Tórtinshisi – qala infrastrukturası hám kommunikaciyalardı jetilistiriw. Qalalardı rejelestiriw hám qurılıs, kóklemzarlastırıw, kommunallıq xojalıq tarawlarında birge islesiw boyınsha ilajlar kelisip alındı. Ózbekstanda infrastruktura hám tarmaq joybarların ámelge asırıw boyınsha birgeliktegi Joybarlastırıw hám injiniring orayın shólkemlestiriw boyınsha kelisim bul baǵdardaǵı birinshi qádem boldı. Birge islesiwdiń besinshi baǵdarı sheńberinde investiciyalar hám óz-ara sawdanı keńeytiw, Singapurdıń jetekshi kompaniyaları menen birgeliktegi joybarlardı ámelge asırıw zárúr ekenligi atap ótildi. Ustav kapitalı 500 million dollar bolǵan Ózbekstan-Singapur investiciya kompaniyasın shólkemlestiriw boyınsha kelisimge erisildi. Bunnan tısqarı, tárepler xalıqaralıq hám regionallıq kún tártibiniń áhmiyetli máseleleri boyınsha pikir alısıldı. Ashıq hám doslıq ruwxında bolıp ótken ushırasıw sońında Shavkat Mirziyoev Li Syan Lundı ózlerine qolaylı bolǵan waqıtta mámleketimizge sapar menen keliwge mirát etti. Delegaciyalar basshıları janında eki mámleket húkimetleri, ministrlikleri hám uyımları dárejesinde Ózbekstan-Singapur birge islesiwin jáne de keńeytiwge qaratılǵan 8 hújjet almasıldı. Atap aytqanda, bilimlendiriw, transport, densawlıqtı saqlaw, kadrlar, sonıń ishinde mámleketlik xızmetkerlerdi tayarlaw tarawlarında birge islesiw haqqında kelisimler qabıl etildi. Sonday-aq, sawda-ekonomikalıq sheriklik, eki mámleket prokuraturaları arasındaǵı birge islesiw boyınsha kelisimlerge erisildi. Kúnniń ekinshi yarımında mámleketimiz basshısı Li Kuan Yu atındaǵı Mámleketlik siyasat mektebine baradı hám Singapurdıń jetekshi kompaniyalarınıń basshıları menen ushırasıw ótkeredi. Búginniń ózinde Prezident Shavkat Mirziyoev Tashkentke jónep ketedi.