Búgingi kúnde tábiyat ınjıqlıqlarınıń biri, yaǵnıy, suwıq hawa rayında xalqımız sınawlı kúnlerdi basınan ótkermekte
1422
Elge kelgen sınaw keńpeyil xalqımızdı jámlestirip, joqarı pazıyletlerdiń biri bolǵan awızbirshiligimizdi, insanıylıǵımızdı hám qayırqomlıǵımızdı ele de arttırdı.
Házir kópshilik sawaplı istiń basında. Qıyın-qıstawlı dáwirde xalqımız bir-birine járdem qolların sozıp, mashaqattı birge jeńip ótpekte.
Házirgi waqıtta hár bir shańaraqqa turaqlı elektr energiyasınıń jetkerip beriliwinde úziliske jol qoymaw maqsetinde mútáj shańaraqlardıń elektr energiyasınan bolǵan qarızdarlıǵı anıqlanıp, mámleket tárepinen jeńilletip beriw ilajları kórilmekte.
Házir shın mánisinde awızbirshiliktiń joqarı úlgisi kórsetilmekte. Keńpeyil hám bawırman xalqımızǵa usınday qıyın sharayattı durıs túsingeni ushın Qaraqalpaqstan Respublikası Joqarǵı Keńesi óziniń tereń minnetdarshılıǵın bildiredi hám birgelikte barlıq mashaqattı jeńip ótedi dep bekkem isenemiz.
Qaraqalpaqstan Respublikası Joqarǵı Keńesiniń Málimleme xızmeti