Elimizde baqlanıp atırǵan suwıq hawa jaǵdayında barlıq tarawlar xalqımızdıń zıyansız shıǵıp ketiwi ushın ayanbay miynet etip atır
1231
Sol qatarı elimizdiń elektr energiyası menen baylanıslı máselesi búgingi kúnde baslı wazıypamızǵa aylanǵan Taqıyatas ıssılıq elektr stanciyasınıń xalqımızdı elektr energiyası hám tábiyǵıy gaz benen támiyinlewdegi áhmiyeti ayrıqsha.
Prezidentimizdiń tikkeley baslaması menen 2017-jıldıń dekabr ayında investiciyalıq joybar tiykarında qurılısı baslanǵan Taqıyatas ıssılıq elektr stanciyasında jańadan 280 Megavattlıq eki dana puw gaz qurılması 2020-jılda qurıp pitkerildi.
Taqıyatas ıssılıq elektr stanciyası Qaraqalpaqstan Respublikası menen Xorezm wálayatın 100 payız elektr energiyası menen támiyinlewshi ıssılıq elektr stanciyası bolıp, ol joqarı gaz basımı menen isleytuǵın bolǵanlıqtan búgingi suwıq hawada Qaraqalpaqstan Respublikasına tábiyǵıy gaz basımı qosımsha ajıratılmaqta hám sonıń esabına shańaraqlarda gaz basımınıń hádden tıs tómenlep ketiwiniń aldı alınıp atır.
Házirgi jaǵdayda Taqıyatas ıssılıq elektr stanciyasında islep shıǵarıw turaqlılıǵın támiyinlew boyınsha jumıslar kúsheytirilgen rejimde alıp barılıp, 24 saat dawamında xalqımızdı elektr energiyası menenen úzliksiz támiyinlewdiń barlıq ilajları kórilmekte.
Qaraqalpaqstan Respublikası Joqarǵı Keńesiniń Málimleme xızmeti