Tórtkúl rayonında «Mehir háreketi» kárwanı jolǵa shıqtı
1320
Elimizde járdemge mútáj insanlardı hár tárepleme qollap-quwatlaw, qıyın kúninde olarǵa kómekshi, qorǵawshı bolıw maqsetinde baslanǵan «Mehir háreketi» baslaması respublikamızdıń barlıq orınlarında dawam etip atır.
Xalqımızǵa tán keńpeyilliktiń kórinisi bolǵan bul baslama tiykarında sociallıq qollap-quwatlawǵa mútáj, baǵıwshısınan ayırılǵan yamasa járdem beriw zárúrligi bar shańaraqlardıń halınan xabar alınıp, qıstan biyziyan shıǵıwı ushın járdem berilmekte.
Usı «Mehir háreketi» sheńberinde Tórtkúl rayonındaǵı mútáj, sociallıq qollap-quwatlawǵa zárúrligi bar 510 shańaraqqa Máhálle qayır-saqawat jámiyetlik qorı janındaǵı «Saqawat hám kómek» fondı qarjıları esabınan birinshi dárejedegi azıq-awqatlıq zatlar hám tutınıw buyımları jetkerip berilmekte.
Qaraqalpaqstan Respublikası Joqarǵı Keńesiniń Málimleme xızmeti