Prezident qararı menen respublikamızdıń eń shetki aymaqlarına da elektr energiyasın turaqlı túrde jetkerip beriw támiyinlenbekte
1332
Házirgi waqıtta xalqımız sınawlı kúnlerdi basınan ótkerip atırǵan bolıp, suwıq hawa rayı sharayatında barlıq puqaralarımızdıń úylerine, sonıń ishinde eń shetki aymaqlarǵa da elektr energiyasın jetkerip beriw boyınsha jumıslar sistemalı túrde dawam ettirilmekte.
Ózbekstan Respublikası Prezidentiniń «2022-2023-jıllarda máhálleler infrastrukturasın elede jaqsılaw boyınsha qosımsha is-ilajları haqqında»ǵı PQ-408-sanlı qararına tiykarlanıp, Qońırat rayonınıń «Temir jol» MPJ hám respublikamızdıń eń alıs aymaqlarınıń biri bolǵan «Jaslıq» posyolka puqaralar jıyını aymaqlarına quwatlılıǵı 250 kVA bolǵan 2 jańa transformator punktleri hám 40 tan artıq temir-beton baǵanaları ornatılıp, aymaqta jasawshı xalıqtıń elektr energiyasına bolǵan talabı qanaatlandırılıp atır.
Búgingi qıyın-qıstawlı kúnlerde hár bir shańaraqtıń elektr energiyasına bolǵan talabı qanaatlandırılıp, olardıń suwıq kúnlerden biyzıyan shıǵıwın támiyinlew baslı wazıypaǵa aylanǵan hám bul jolda taraw xızmetkerleri barlıq zárúrli ilajlardı kórmekte.
Qaraqalpaqstan Respublikası Joqarǵı Keńesiniń Málimleme xızmeti