«Mehir háreketi» sheńberinde Kegeyli rayonındaǵı járdemge mútáj shańaraqlardan xabar alındı
1411
Búgingi sınawlı kúnlerde bir-birine mehir kɵrsetiw ilajları xalqımızdıń awızbirshiligin jáne de bekkemlep, elimizde insan qádir qımbatı ullı ekenliginiń ayqın mısalı sıpatında turmısta óz sáwleleniwin tawıp atır.
Qaraqalpaqstan Respublikası Joqarǵı Keńesiniń komitet baslıǵı, deputat Dauıtbay Qurbaniyazov Kegeyli rayonında bolıp, awır turmıs sharayatında jasap atırǵan, sociallıq qollap-quwatlawǵa mútáj hám kɵp balalı shańaraqlardıń jaǵdaylarınan xabar alıp, olar ushın kúndelikli zárúr bolǵan azıq-awqat ɵnimleri, jıllı kiyim-kenshekler hám xojalıq buyımların tarqattı.
Járdemge mútáj insanlardıń halınan xabar alıw arqalı rayondaǵı 10 shańaraqqa mehir hám itibar bólisildi. Aytıp ótiw orınlı «Mehir háreketi» qayır-saqawat ilajları sheńberinde shańaraqlarǵa mámleketimiz itibarı hám ǵamqorlıǵı kirip barmaqta.
Qaraqalpaqstan Respublikası Joqarǵı Keńesiniń Málimleme xızmeti