Qaraqalpaqstan Respublikası prokurorı Erkabay Tadjiev basshılıǵında Tórtkúl rayonında ámelge asırılıp atırǵan jumıslar úyrenildi

Respublika prokurorı «Ullıbaǵ» awılında jaylasqan xalıqqa suyıltırılǵan gaz ballonların hámde kómir tarqatıw shaqapshası jumısları menen tanısıp, kómir hám gaz ballonların turaqlı túrde jetkerip beriliwin támiyinlewdi nátiyjeli shólkemlestiriw boyınsha tapsırmalar berdi. Sonday-aq, «Mehir háreketi» sheńberinde «Saqawat hám kómek fondı» hámde qayırqomlar esabınan alıs aymaqlardaǵı xojalıqlarǵa kómir, suyıltırılǵan gaz ballonları, birinshi dárejeli kerekli azıq-awqat ónimleri jetkerip berildi. Qáwenderler tárepinen «Kókshe», «Paxtaabat», «Janbasqala» hám «Qumbasqan» awıllında 48 járdemge mútáj shańaraqlarǵa gaz plita, ısıtıw pechleri, kiyim-kenshekler tarqatıldı. Sonday-aq, úy sharayatında bilim alıp atırǵan oqıwshılar halınan xabar alınıp, olarǵa oqıw quralları, kitaplar, oqıw partası hám doskalar tapsırıldı. Sonday-aq, densawlıǵında mashqalası bar puqaralarǵa dári-darmaq, emlewxanada emleniwin támiyinlew maqsetinde jollamalar berildi.

Qaraqalpaqstan Respublikası Joqarǵı Keńesiniń Málimleme xızmeti