Joqarǵı Keńes Baslıǵı Investiciya, sanaat hám eksport máselelerine arnalǵan videoselektor májilisin ótkerdi
1396
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Investiciya, sanaat hám eksport máselelerine arnalǵan videoselektor májilisin ótkerdi.
Aytıp ótiw orınlı, respublikamız ekonomikasın bekkemlew, eksport potencialın asırıw, jańa jumıs orınların jaratıw hám puqaralardıń dáramatın arttırıwda jańa investiciyalıq joybarlardıń iske túsiriliwiniń áhmiyeti ayrıqsha.
Joqarǵı Keńes Baslıǵı ayırım orınlarda jańa joybarlardıń iske túsiriliwi hám investiciyalıq qarjılardıń ózlestiriliwindegi artta qalıwshılıq jaǵdaylarınıń ushırasıp atırǵanlıǵın, sonday-aq, ayırım bank basshıları tárepinen isbilermenler aldında byurokratiyalıq tosıqlardı payda etip atırǵanlıǵın qatań sınǵa aldı hám tiyisli taraw wákillerine bul jaǵdaylardı saplastırıw boyınsha anıq tapsırmalardı berdi.
Búgingi kúnde qala hám rayonlardıń qániygelesiwinen kelip shıqqan halda hár-bir aymaqtıń drayver tarawları belgilep berilgen. Biraq, ayırım qala hám rayonlar tárepinen 2023-jılda iske túsiriletuǵın joybarlardıń dizimi islep shıǵılǵanda drayver tarawlar boyınsha joybarlar jaylastırılmaǵan.
Húrmetli Prezidentimizdiń 2023-jıl 10-yanvar kúngi ótkerilgen video-selektor májilisinde bıyılǵı jılı sanaat ónimlerin islep shıǵarıw kólemin ótken jılǵa salıstırǵanda 112 procentke asırıw boyınsha anıq wazıypalar belgilep berildi. Bul tapsırmalardı orınlawda aymaqlarda hárekettegi sanaat kárxanların tolıq quwatta islewin támiyinlew, olardıń quwatlıqlarınan durıs paydalanıw hám jańa joybarlar ústinde jumıs alıp barıw talap etiledi.
Belgilengen wazıypalar hám ámelge asırılıwı tiyis jumıslardı orınlawda jol qoyǵan kemshilikleri hám óz jumısına nemquraydılıq penen qaraǵanı ushın Nókis qalası, Qońırat rayonı hám Shımbay rayonı hákiminiń orınbasarı-investiciyalar hám sırtqı sawda bólimi baslıqları intizamıy jazaǵa tartıldı.
Sonday-aq, Qanlıkól, Taqıyatas, Taxtakópir hám Nókis rayonı hákiminiń orınbasarı-investiciyalar hám sırtqı sawda bólimi baslıqlarınıń jumısların kórip shıǵıw, zárúr jaǵdayda intizamıy jazaǵa tartıw boyınsha tapsırmalar berildi.
Sonıń menen birge, investiciyalıq joybarlarǵa kredit qarjıların ajıratıwda hám basqa da bir qatar kemshiliklerge jol qoyǵanı ushın Xalıq banki Qaraqalpaqstan Respublikası filialı hám Sanaat qurılıs bank Qaraqalpaqstan Respublikası filialı baslıqların intizamıy jazaǵa tartıw máselesin kórip shıǵıw boyınsha da tapsırmalar berildi.
Májilis juwmaǵında investiciyalıq joybarlardı ámelge asırıw boyınsha qabıl etilgen Ózbekstan Respublikası Prezidenti qararları, Párman hám normativ hújjetlerde kórsetilgen wazıypalardı orınlawdı támiyinlew boyınsha rejeler belgilep alındı.
Májiliske Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Aytıp ótiw orınlı, respublikamız ekonomikasın bekkemlew, eksport potencialın asırıw, jańa jumıs orınların jaratıw hám puqaralardıń dáramatın arttırıwda jańa investiciyalıq joybarlardıń iske túsiriliwiniń áhmiyeti ayrıqsha.
Joqarǵı Keńes Baslıǵı ayırım orınlarda jańa joybarlardıń iske túsiriliwi hám investiciyalıq qarjılardıń ózlestiriliwindegi artta qalıwshılıq jaǵdaylarınıń ushırasıp atırǵanlıǵın, sonday-aq, ayırım bank basshıları tárepinen isbilermenler aldında byurokratiyalıq tosıqlardı payda etip atırǵanlıǵın qatań sınǵa aldı hám tiyisli taraw wákillerine bul jaǵdaylardı saplastırıw boyınsha anıq tapsırmalardı berdi.
Búgingi kúnde qala hám rayonlardıń qániygelesiwinen kelip shıqqan halda hár-bir aymaqtıń drayver tarawları belgilep berilgen. Biraq, ayırım qala hám rayonlar tárepinen 2023-jılda iske túsiriletuǵın joybarlardıń dizimi islep shıǵılǵanda drayver tarawlar boyınsha joybarlar jaylastırılmaǵan.
Húrmetli Prezidentimizdiń 2023-jıl 10-yanvar kúngi ótkerilgen video-selektor májilisinde bıyılǵı jılı sanaat ónimlerin islep shıǵarıw kólemin ótken jılǵa salıstırǵanda 112 procentke asırıw boyınsha anıq wazıypalar belgilep berildi. Bul tapsırmalardı orınlawda aymaqlarda hárekettegi sanaat kárxanların tolıq quwatta islewin támiyinlew, olardıń quwatlıqlarınan durıs paydalanıw hám jańa joybarlar ústinde jumıs alıp barıw talap etiledi.
Belgilengen wazıypalar hám ámelge asırılıwı tiyis jumıslardı orınlawda jol qoyǵan kemshilikleri hám óz jumısına nemquraydılıq penen qaraǵanı ushın Nókis qalası, Qońırat rayonı hám Shımbay rayonı hákiminiń orınbasarı-investiciyalar hám sırtqı sawda bólimi baslıqları intizamıy jazaǵa tartıldı.
Sonday-aq, Qanlıkól, Taqıyatas, Taxtakópir hám Nókis rayonı hákiminiń orınbasarı-investiciyalar hám sırtqı sawda bólimi baslıqlarınıń jumısların kórip shıǵıw, zárúr jaǵdayda intizamıy jazaǵa tartıw boyınsha tapsırmalar berildi.
Sonıń menen birge, investiciyalıq joybarlarǵa kredit qarjıların ajıratıwda hám basqa da bir qatar kemshiliklerge jol qoyǵanı ushın Xalıq banki Qaraqalpaqstan Respublikası filialı hám Sanaat qurılıs bank Qaraqalpaqstan Respublikası filialı baslıqların intizamıy jazaǵa tartıw máselesin kórip shıǵıw boyınsha da tapsırmalar berildi.
Májilis juwmaǵında investiciyalıq joybarlardı ámelge asırıw boyınsha qabıl etilgen Ózbekstan Respublikası Prezidenti qararları, Párman hám normativ hújjetlerde kórsetilgen wazıypalardı orınlawdı támiyinlew boyınsha rejeler belgilep alındı.
Májiliske Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Qaraqalpaqstan Respublikası Joqarǵı Keńesiniń Málimleme xızmeti