Respublika prokurorı orınlarda úyreniw jumısların alıp bardı

Qaraqalpaqstan Respublikası prokurorı Erkabay Tadjiev basshılıǵında tiyisli taraw wákilleri Nókis qalasındaǵı gaz basımı azayǵan “Anasay” máhállesine barıp, puqaralar menen sáwbetlesti hám jaǵdaydı jumsartıw boyınsha barlıq zárúrli ilajlar kóriletuǵınlıǵı aymaq turǵınlarına túsindirildi. Sol orınnıń ózinde júzege kelgen mashqalanı saplastırıw boyınsha taraw basshılarına tiyisli tapsırmalar berildi. Úyreniw nátiyjesi menen xojalıqlardıń nasaz jaǵdaydaǵı ısıtıw sisteması úskeneleri ońlandı.

  Bunnan tısqarı, Beruniy rayonı medicina birlespesinde ámelge asırılıp atırǵan qurılıs-ońlaw jumısları kózden ótkerilip, emlewxana aymaǵın abadanlastırıw, kóklemzarlastırıw jumısların shólkemlestiriw hámde qurılıs jumısların jedellestirip, sapalı túrde alıp barılıwın qadaǵalaw boyınsha juwapkerlerge tapsırmalar berildi.  

Qaraqalpaqstan Respublikası Joqarǵı Keńesiniń Málimleme xızmeti