Xalıqtı jıllar dawamında qıynap kelgen mashqalalarǵa sheshim tabıw boyınsha iygilikli jumıslar búgin Tórtkúl rayonında baslap jiberildi
2400
Búgingi kúnde mámleketimizde “Insan qádiri ushın” principi tiykarında xalıqtıń jasaw jaǵdayın jaqsılaw, olardı qıynap kiyatırǵan mashqalalarǵa sheshim tabıw, abadan turmısın támiyinlew baǵdarında oǵada kólemli jumıslar ámelge asırılmaqta. Álbette, bundaǵı tiykarǵı maqset xalqımızdıń búgingi kúninen, mámleketimizde ámelge asırılıp atırǵan reformalardan razılıǵın támiyinlew bolıp esaplanadı.
Házirgi waqıtta Tórtkúl rayonında 1245 km uzınlıqtaǵı jollar bar bolıp, sonnan, 874 km topıraq jollar, 154 km qum-щeben aralaspalı jol, 136,2 km asfaltobeton qaplamalı jol hám 6,8 km beton qaplamalı jollardı quraydı.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaevtiń baslaması menen Tórtkúl rayonı xalqın jıllar dawamında qıynap kelgen, jazda qum-shańǵıtlı, jawın-shashınlı kúnlerde ılaylı topıraq jollardı ońlaw jumısları baslap jiberildi.
Dáslep Joqarǵı Keńes Baslıǵı basshılıǵında jaqsı is basında barlıq tiyisli taraw basshıları qatnasıwında ushırasıw ótkerilip, wazıypalar belgilep alındı.
Onda Ózbekstan Respublikası Prezidentiniń keńesgóyi T.Xudaybergenov, Qaraqalpaqstan Respublikası Ministrler Keńesiniń Baslıǵı F.Ermanovlar qatnastı.
Aytıp ótiw orınlı, Ózbekstan Respublikası Prezidentiniń 2022-jıl 25-oktyabrdegi “2022-2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqında”ǵı 408-sanlı qararı sheńberinde Tórtkúl rayonında 21,17 km uzınlıqtaǵı jollarda ońlaw jumısları, sonnan 4,3 km asfalt, 16,9 km jolǵa qum-щeben aralaspası tóseliwi, 29,3 km uzınlıqtaǵı suw tarmaqların jańadan tartıw hám rekonstrukciyalaw, 2 suw dushshılandırıwshı obektin rekonstrukciyalaw, 2 máhálle imaratın, 12 km piyadalar jolın qurıw, 2 dana transformatordı jańalaw, bir aymaqqa piyadalar kópirin qurıw hám 3 km uzınlıqtaǵı gaz tarmaǵın ońlaw rejelestirilgen. Bul jumıslardı ámelge asırıwǵa 33 mlrd. 187 mln.swm qarjı ajıratılǵan hám jumıslar baslap jiberilgen.
Sonday-aq, Ózbekstan Respublikası Ministrler Kabinetiniń 2022-jıl 6-sentyabr kúngi “Qaraqalpaqstan Respublikası aymaqların sociallıq-ekonomikalıq rawajlandırıw, qolaylı biznes ortalıǵın jaratıw, innovaciyalıq texnologiyalardı engiziw hám infrastrukturalar menen támiyinlengenlik dárejesin elede jaqsılaw arqalı xalıqtıń abadanlıǵın arttırıwdıń qosımsha is-ilajları haqqında”ǵı 500-sanlı qararı sheńberinde rayon orayındaǵı 41 km uzınlıqtaǵı 102 topıraq kóshelerdi qum-щeben aralaspalı jollarǵa aylandırıw belgilengen.
Bunnan tısqarı, elimizde Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń baslaması menen jolǵa qoyılǵan “Mehir háreketi” sheńberinde rayondaǵı sharayatı awır shańaraqlardı qıs máwsiminen biyzıyan alıp shıǵılıwın támiyinlew, materiallıq qollap-quwatlaw, turaq-jayların ońlap, zárúrlerin shiferlap beriw, nawqaslıǵı bar puqaralarǵa medicinalıq járdem kórsetiw boyınsha da wazıypalar belgilep alınǵan bolıp, bul jumıslar búgingi kúnde turmısta ámeliy kórinisin tawıp atır.
Hár bir puqara búgingi kúnde mámleketimizde alıp barılıp atırǵan keń kólemli reformalar hám “Insan qádiri ushın” principi tiykarındaǵı iygilikli baslamalardı búgingi kúnniń ózinde seziniwi kerek hám bul ámelde óziniń tastıyǵın tawıp atır. Baslanıp atırǵan jumıslar da mine usı joqarı maqsetlerdi gózlegen túrde jolǵa qoyılıp, mámleketlik reformalardıń hár bir shańaraqqa kirip barıwı támiyinlenedi.
Aytıp ótiw orınlı, Ózbekstan Respublikası Prezidentiniń 2022-jıl 25-oktyabrdegi “2022-2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqında”ǵı 408-sanlı qararı sheńberinde Tórtkúl rayonında 21,17 km uzınlıqtaǵı jollarda ońlaw jumısları, sonnan 4,3 km asfalt, 16,9 km jolǵa qum-щeben aralaspası tóseliwi, 29,3 km uzınlıqtaǵı suw tarmaqların jańadan tartıw hám rekonstrukciyalaw, 2 suw dushshılandırıwshı obektin rekonstrukciyalaw, 2 máhálle imaratın, 12 km piyadalar jolın qurıw, 2 dana transformatordı jańalaw, bir aymaqqa piyadalar kópirin qurıw hám 3 km uzınlıqtaǵı gaz tarmaǵın ońlaw rejelestirilgen. Bul jumıslardı ámelge asırıwǵa 33 mlrd. 187 mln.swm qarjı ajıratılǵan hám jumıslar baslap jiberilgen.
Sonday-aq, Ózbekstan Respublikası Ministrler Kabinetiniń 2022-jıl 6-sentyabr kúngi “Qaraqalpaqstan Respublikası aymaqların sociallıq-ekonomikalıq rawajlandırıw, qolaylı biznes ortalıǵın jaratıw, innovaciyalıq texnologiyalardı engiziw hám infrastrukturalar menen támiyinlengenlik dárejesin elede jaqsılaw arqalı xalıqtıń abadanlıǵın arttırıwdıń qosımsha is-ilajları haqqında”ǵı 500-sanlı qararı sheńberinde rayon orayındaǵı 41 km uzınlıqtaǵı 102 topıraq kóshelerdi qum-щeben aralaspalı jollarǵa aylandırıw belgilengen.
Bunnan tısqarı, elimizde Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń baslaması menen jolǵa qoyılǵan “Mehir háreketi” sheńberinde rayondaǵı sharayatı awır shańaraqlardı qıs máwsiminen biyzıyan alıp shıǵılıwın támiyinlew, materiallıq qollap-quwatlaw, turaq-jayların ońlap, zárúrlerin shiferlap beriw, nawqaslıǵı bar puqaralarǵa medicinalıq járdem kórsetiw boyınsha da wazıypalar belgilep alınǵan bolıp, bul jumıslar búgingi kúnde turmısta ámeliy kórinisin tawıp atır.
Hár bir puqara búgingi kúnde mámleketimizde alıp barılıp atırǵan keń kólemli reformalar hám “Insan qádiri ushın” principi tiykarındaǵı iygilikli baslamalardı búgingi kúnniń ózinde seziniwi kerek hám bul ámelde óziniń tastıyǵın tawıp atır. Baslanıp atırǵan jumıslar da mine usı joqarı maqsetlerdi gózlegen túrde jolǵa qoyılıp, mámleketlik reformalardıń hár bir shańaraqqa kirip barıwı támiyinlenedi.
Qaraqalpaqstan Respublikası Joqarǵı Keńesiniń Málimleme xızmeti