Mekteplerde til hám kásip úyretiwdi rawajlandırıw ilajları belgilendi
1562
Prezident Shavkat Mirziyoevtiń basshılıǵında 20-yanvar kúni mekteplerde shet tillerin hám kásip úyretiw sistemasın rawajlandırıw máseleleri boyınsha keńeytilgen májilis ótkerildi.
Prezident Shavkat Mirziyoev xalqımızǵa Múrájatında «sociallıq mámleket» principine ayrıqsha itibar qaratqan edi. Anıq etip aytqanda, «Sociallıq mámleket bul, bárinen burın, insan potencialın júzege shıǵarıw ushın teń imkaniyatlar, adamlardıń múnásip turmıs keshiriwine zárúr sharayatlar jaratıw, kámbaǵallıqtı qısqartıw» degen sóz.
Oǵan erisiwdiń tiykarı, birinshi gezekte, bilimlendiriw. Sonıń ushın Múrájatta mektep oqıwshıların keminde eki shet tili hám bir kásip-ónerge úyretiw baslı wazıypa etip belgilengen edi.
Keyingi jılları bilimlendiriwge, muǵallimlerge itibar arttı, joqarı bilimlendiriwde qabıllaw sanı hám baǵdarlar kóbeydi. Biraq, mekteplerdegi sapa ele talap dárejesine shıqqanı joq. Máselen, 11 jıl mektepte oqıǵan bala shet tilin tolıq bilmeydi. Sharayat hám qánigeler joqlıǵı sebepli jaslardı kásiplerge qızıqtırıw ortalıǵı qáliplespegen. Mektep pitkeriwshileriniń 50 procenti miynet bazarına hesh qanday kásipke iye bolmastan kirip kelmekte.
Sonlıqtan májiliste shet tillerin oqıtıw sapasın arttırıw hám oqıwshılardı kásipke baǵdarlaw máseleleri dodalandı.
– Mektepten kásip hám tildi bilip shıqqan bala jámiyetimizdiń úlken jetiskenligi, bilmegeni mashqala, – dedi Shavkat Mirziyoev.
Bul tájiriybeni engiziw ushın hár bir wálayattan birewden qala hám ekewden rayon tańlap alınǵan. Olardaǵı 2 mıńnan artıq mekteplerdiń sharayatı, pedagoglardıń tájiriybesi, oqıwshılardıń kásip-óner hám shet tillerge qızıǵıwshılıǵı úyrenilgen.
Endi rayon hám máhállelerdiń ózgesheliginen kelip shıǵıp, oqıwshılar mekteptiń ózinde 64 túrli jumısshı kásiplerge úyretiliwi názerde tutılmaqta.
Sonıń ushın hákimliklerge bul tańlap alınǵan mekteplerde kásip-óner ustaxanaların shólkemlestiriw, olardı úskenelew hám zárúr qurallar menen támiyinlew wazıypası qoyıldı. Oǵan jaslar jetekshileri hám isbilermenler de tartıladı. Jaslar qorınan qarjılar qaratıladı.
– Házir isbilermenler, islep shıǵarıwshılardı sol másele qıynap atır: bos jumıs ornı kóp, aylıǵı da jaqsı, biraq uqıbı hám kónlikpesi bar jumısshı joq. Eger bul sistema durıs shólkemlestirilse, bizdegi demografiyalıq ósiw menen úlken nátiyjelerge erisiwge boladı,-dedi mámleketimiz basshısı.
Sonday-aq, oqıwshılardı málimleme texnologiyaları hám «kreativ industriya» boyınsha zamanagóy kásiplerge úyretiw zárúr ekenligi atap ótildi.
Shet tillerin sapalı úyreniw ushın mekteplerde «til iyesi» bolǵan pedagoglardı tartıw, Prezident mektepleriniń til úyretiw tájiriybesi, sabaqlıq hám baǵdarlamaların qollanıw boyınsha kórsetpeler berildi.
Májiliste wálayat hákimleri tańlanǵan mektepler mısalında shet tilleri hám kásip úyretiwdi rawajlandırıwǵa baylanıslı rejeler boyınsha málimleme berdi.
Sonday-aq, Prezident tarmaq hám aymaqlar basshılarına qıs máwsiminde xalıqtı energiya resursları menen turaqlı támiyinlew boyınsha juwapkershilik hám qadaǵalawdı kúsheytiwi zárúr ekenligin kórsetip ótti. Isbilermen hám kárxanalar jumısındaǵı mashqalalı máselelerdi sheshiwde olarǵa jaqınnan járdemlesiw, zárúr jaǵdaylarda qarjı resursların ajıratıw, azıq-awqat ónimleri bahalarınıń tiykarsız ósiwiniń aldın alıw hám bazarlarda usınıstı kóbeytiw boyınsha tiyisli kórsetpeler berildi.
Oǵan erisiwdiń tiykarı, birinshi gezekte, bilimlendiriw. Sonıń ushın Múrájatta mektep oqıwshıların keminde eki shet tili hám bir kásip-ónerge úyretiw baslı wazıypa etip belgilengen edi.
Keyingi jılları bilimlendiriwge, muǵallimlerge itibar arttı, joqarı bilimlendiriwde qabıllaw sanı hám baǵdarlar kóbeydi. Biraq, mekteplerdegi sapa ele talap dárejesine shıqqanı joq. Máselen, 11 jıl mektepte oqıǵan bala shet tilin tolıq bilmeydi. Sharayat hám qánigeler joqlıǵı sebepli jaslardı kásiplerge qızıqtırıw ortalıǵı qáliplespegen. Mektep pitkeriwshileriniń 50 procenti miynet bazarına hesh qanday kásipke iye bolmastan kirip kelmekte.
Sonlıqtan májiliste shet tillerin oqıtıw sapasın arttırıw hám oqıwshılardı kásipke baǵdarlaw máseleleri dodalandı.
– Mektepten kásip hám tildi bilip shıqqan bala jámiyetimizdiń úlken jetiskenligi, bilmegeni mashqala, – dedi Shavkat Mirziyoev.
Bul tájiriybeni engiziw ushın hár bir wálayattan birewden qala hám ekewden rayon tańlap alınǵan. Olardaǵı 2 mıńnan artıq mekteplerdiń sharayatı, pedagoglardıń tájiriybesi, oqıwshılardıń kásip-óner hám shet tillerge qızıǵıwshılıǵı úyrenilgen.
Endi rayon hám máhállelerdiń ózgesheliginen kelip shıǵıp, oqıwshılar mekteptiń ózinde 64 túrli jumısshı kásiplerge úyretiliwi názerde tutılmaqta.
Sonıń ushın hákimliklerge bul tańlap alınǵan mekteplerde kásip-óner ustaxanaların shólkemlestiriw, olardı úskenelew hám zárúr qurallar menen támiyinlew wazıypası qoyıldı. Oǵan jaslar jetekshileri hám isbilermenler de tartıladı. Jaslar qorınan qarjılar qaratıladı.
– Házir isbilermenler, islep shıǵarıwshılardı sol másele qıynap atır: bos jumıs ornı kóp, aylıǵı da jaqsı, biraq uqıbı hám kónlikpesi bar jumısshı joq. Eger bul sistema durıs shólkemlestirilse, bizdegi demografiyalıq ósiw menen úlken nátiyjelerge erisiwge boladı,-dedi mámleketimiz basshısı.
Sonday-aq, oqıwshılardı málimleme texnologiyaları hám «kreativ industriya» boyınsha zamanagóy kásiplerge úyretiw zárúr ekenligi atap ótildi.
Shet tillerin sapalı úyreniw ushın mekteplerde «til iyesi» bolǵan pedagoglardı tartıw, Prezident mektepleriniń til úyretiw tájiriybesi, sabaqlıq hám baǵdarlamaların qollanıw boyınsha kórsetpeler berildi.
Májiliste wálayat hákimleri tańlanǵan mektepler mısalında shet tilleri hám kásip úyretiwdi rawajlandırıwǵa baylanıslı rejeler boyınsha málimleme berdi.
Sonday-aq, Prezident tarmaq hám aymaqlar basshılarına qıs máwsiminde xalıqtı energiya resursları menen turaqlı támiyinlew boyınsha juwapkershilik hám qadaǵalawdı kúsheytiwi zárúr ekenligin kórsetip ótti. Isbilermen hám kárxanalar jumısındaǵı mashqalalı máselelerdi sheshiwde olarǵa jaqınnan járdemlesiw, zárúr jaǵdaylarda qarjı resursların ajıratıw, azıq-awqat ónimleri bahalarınıń tiykarsız ósiwiniń aldın alıw hám bazarlarda usınıstı kóbeytiw boyınsha tiyisli kórsetpeler berildi.