Taqıyatas rayonında Poliklinika imaratı paydalanıwǵa tapsırıldı
1171
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonınıń sociallıq-ekonomikalıq jaǵdayı hám xalıqtıń turmıs sharayatın jaqsılaw baǵdarında ámelge asırılıp atırǵan jumıslar menen tanısıw maqsetinde rayonda bolıp, bir qatar qurılıs obektleri menen jaqınnan tanıstı hám ayırım orınlarda belgilengen rejeden artta qalıp atırǵan qurılıs obektlerin sınǵa alıp, sapalı túrde tez arada juwmaqlaw boyınsha juwapkerlerge anıq tapsırmalar bergen edi.
Usı tiykarda rayon orayındaǵı kóp tarmaqlı oraylıq poliklinikanıń jańa imaratı paydalanıwǵa tapsırıldı.
Ilajda Qaraqalpaqstan Respublikası Joqarǵı Keńesiniń komitet baslıǵı Sh.Otemisov, Qaraqalpaqstan Respublikası Densawlıqtı saqlaw ministri M.Qurbanov hám basqalar shıǵıp sóylep, jıynalǵanlardı jańa imarattıń paydalanıwǵa tapsırılıwı menen qutlıqladı.
Atap ótilgenindey, Prezidentimizdiń 2022-jıl 22-yanvardaǵı “2022 — 2024-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında”ǵı qararı tiykarında elimizde awıl hám mákan puqaralar jıyınların bunnan bılay da abadanlastırıw, orınlarda qolaylı isbilermenlik hám investiciya ortalıǵın qáliplestiriw, sonday-aq, ekonomika tarmaqları hám sociallıq tarawlar investiciyaların keńnen tartıw arqalı jańa jumıs orınların jaratıw, xalıqtıń turmıs sharayatın jaqsılaw hám kámbaǵallıqtı qısqartıwǵa ayrıqsha itibar qaratılmaqta. Rayonlıq medicina birlespesine qaraslı kóp tarmaqlı oraylıq poliklinikanıń bahası 5 milliard 532 million sumlıq jańa imaratı sapalı etip qurıp pitkerildi.
Bul jerde 320 medicina xızmetkeri aymaqtaǵı 73 mıń 500 xalıqqa baslanǵısh medicinalıq xızmet kórsetiwi ushın barlıq sharayat jaratılǵan. Kúnine 150 den aslam puqaraǵa medicinalıq járdem kórsetetuǵın poliklinikada ultrases, gastroskopiya, otorinolaringologiya, travmatologiya, kardiologiya, nevrologiya, stomatologiya bólmeleri shólkemlestirilgen. Usı qánigeliklerdegi 40 tan aslam shıpakerdiń xalıqqa sapalı medicinalıq xızmet kórsetiwi ushın zamanagóy ásbap-úskeneler hám kerekli buyımlar menen támiyinlengen.
Ilaj qatnasıwshıları jańa imaratta xalıqqa jaratılǵan sharayatlar menen jaqınnan tanıstı.
Atap ótilgenindey, Prezidentimizdiń 2022-jıl 22-yanvardaǵı “2022 — 2024-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında”ǵı qararı tiykarında elimizde awıl hám mákan puqaralar jıyınların bunnan bılay da abadanlastırıw, orınlarda qolaylı isbilermenlik hám investiciya ortalıǵın qáliplestiriw, sonday-aq, ekonomika tarmaqları hám sociallıq tarawlar investiciyaların keńnen tartıw arqalı jańa jumıs orınların jaratıw, xalıqtıń turmıs sharayatın jaqsılaw hám kámbaǵallıqtı qısqartıwǵa ayrıqsha itibar qaratılmaqta. Rayonlıq medicina birlespesine qaraslı kóp tarmaqlı oraylıq poliklinikanıń bahası 5 milliard 532 million sumlıq jańa imaratı sapalı etip qurıp pitkerildi.
Bul jerde 320 medicina xızmetkeri aymaqtaǵı 73 mıń 500 xalıqqa baslanǵısh medicinalıq xızmet kórsetiwi ushın barlıq sharayat jaratılǵan. Kúnine 150 den aslam puqaraǵa medicinalıq járdem kórsetetuǵın poliklinikada ultrases, gastroskopiya, otorinolaringologiya, travmatologiya, kardiologiya, nevrologiya, stomatologiya bólmeleri shólkemlestirilgen. Usı qánigeliklerdegi 40 tan aslam shıpakerdiń xalıqqa sapalı medicinalıq xızmet kórsetiwi ushın zamanagóy ásbap-úskeneler hám kerekli buyımlar menen támiyinlengen.
Ilaj qatnasıwshıları jańa imaratta xalıqqa jaratılǵan sharayatlar menen jaqınnan tanıstı.
Qaraqalpaqstan Respublikası Joqarǵı Keńesiniń Málimleme xızmeti