Joqarǵı Keńes Baslıǵı ekonomikalıq tarawlarda ámelge asırılǵan jumıslar hámde 2023-jılǵa belgilengen tiykarǵı wazıypalarǵa arnalǵan videoselektor májilisin ótkerdi
1745
Qaraqalpaqstan Respublikası Joqarǵı Keńesiniń Baslıǵı Amanbay Orınbaev ekonomikalıq tarawlarda ámelge asırılǵan jumıslar hámde 2023-jılǵa belgilengen tiykarǵı wazıypalarǵa arnalǵan videoselektor májilisin ótkerdi.
Ótkerilgen májiliste 2022-jıl juwmaǵı menen ekonomikalıq kórsetkishlerdiń orınlanıwında jol qoyılǵan qáte-kemshilikler, kambaǵallıqtı qısqartıw, bántlikti támiyinlew, hákim járdemshileriniń jumısları, isbilermenlikti rawajlandırıw, mashqalalı kreditlerdiń qaytarılıwı hám subsidiyalardıń ajıratılıwı, byudjetke qosımsha túsimlerdi ámelge asırıw, olardıń dereklerin anıqlaw, bazarlarda bahalardıń turaqlılıǵın támiyinlew hám basqada máseleler sın kóz qarasta qarap shıǵıldı.
Onda Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Aytıp ótiw orınlı, kún tártibinde kórip shıǵılǵan máseleler, birinshi gezekte, belgilengen ekonomikalıq kórsetkishlerge erisiwde, xalıqtıń bántligin támiyinlewde hámde isbilermenlerdiń, ásirese puqaralardıń dáramatların arttırıwda ayrıqsha orın iyeleydi.
Ótkerilgen májiliste respublikamızdıń ekonomika tarawında ámelge asırılıp atırǵan jumıslar, bar bolǵan mashqalalar hám basqa da máseleler sóz etildi.
Atap aytqanda, sanaat tarawı boyınsha 2022-jılǵa belgilengen prognoz kórsetkishiniń orınlanıwı ayırım rayonlarda usı tarawda jumıslardıń durıs jolǵa qoyılmaǵanlıǵı sebepli ósim páti támiyinlenbegen. Bir neshe rayonlarda ónimlerdi qayta islewge hám islep shıǵarıwǵa imkaniyatları, jetisteretuǵın shiyki zat resursları tolıq jeterli bolıwına qaramastan, sanaat tarawında jeterli dárejede joybarlar ámelge asırılmaǵan.
Májiliste máhállelerde isbilermenlikti rawajlandırıw, xalıqtıń bántligin támiyinlew hám kambaǵallıqtı qısqartırıw baǵdarında hákim járdemshileri lawazımı engizilip, jańa sistema jaratılǵanlıǵı atap ótildi. Biraq, shańaraqlıq isbilermenlikti rawajlandırıw baǵdarlaması tiykarında 2022-jılda ajırıtılıwı belgilengen jeńillikli kredit qarjıları talap dárejesinde ajıratılmay, nátiyjede kredit qarjıları óz iyelerine jetip barmaǵan. Eger, hákim járdemshileri tárepinen belsendilik kórsetilip, kredit qarjıları óz iyelerine jetip barǵanda jańa jumıs orınları jaratılıp, shańaraqlar turaqlı dáramat penen támiyinlengen bolar edi.
Joqarıdaǵılar menen bir qatarda, xalıqtıń bántligin támiyinlew máselesinde ayırım rayonlarda artta qalıwshılıq jaǵdayları ushırasıp atırǵanlıǵı da atap ótildi.
Bunnan tısqarı, májiliste byudjetke túsimlerdi ámelge asırıw baǵdarında tiyisli taraw basshıları hám hákimlikler tárepinen jumıslardıń durıs shólkemlestirilmegenligi sebepli, qosımsha imkaniyatlardan tolıq paydalanılmay atırǵanlıǵı sınǵa alındı.
Joqarıdaǵılar menen bir qatarda, 2022-jıl basına salıstırǵanda isbilermenlik subektlerinde islewshiler sanı kemeyip ketkenligi, al, bank sistemasında mashqalalı kredit qarızdarlıqları búgingi kúnde óz waqtında qaytarılmaǵanlıǵı da ayrıqsha tilge alındı.
Usılar menen bir qatarda, 218 xalatta jerlerden nátiyjeli hám belgilengen maqsette paydalanılmaǵan 55,3 gektar jer maydanı elege shekem hákimliklerdiń rezerv fondlarına qaytarıp alınbaǵan. Bunnan tısqarı, hákimliklerdiń óz balansındaǵı jámi 1 mıń 124 kóshpes múlkleri usı kúnge shekem mámleketlik dizimnen ótkerilmegen.
Videoselektor májilisinde anıqlanǵan kemshiliklerdi saplastırıw, bar bolǵan mashqalalarǵa sheshim tabıw, óz jumısına nemquraydılıq penen qarap atırǵan ayırım basshılardıń jumısların úyrenip shıǵıw hám zárúr jaǵdayda tiyisli sharalar kóriw boyınsha tapsırmalar berildi.
Májilis dawamında belgilengen wazıypalar hám ámelge asırılıwı tiyis jumıslardı orınlawda jol qoyǵan kemshilikleri hám óz jumısına nemquraydılıq penen qaraǵan ayırım rayon hákimleriniń birinshi orınbasarları menen hákim járdemshilerin intizamıy jazaǵa tartıw máselesin kórip shıǵıw boyınsha tapsırma berildi.
Májilis juwmaǵında ekonomikalıq kórsetkishlerdiń orınlanıwın támiyinlew, kambaǵallıqtı qısqartıw, isbilermenlikti rawajlandırıwdı qollap-quwatlaw, mashqalalı kreditlerdiń óz waqtında qaytarılıwın támiyinlew hám basqa da baǵdarlarda kórsetilgen wazıypalardı orınlawdı támiyinlew boyınsha rejeler belgilep alındı.
Aytıp ótiw orınlı, kún tártibinde kórip shıǵılǵan máseleler, birinshi gezekte, belgilengen ekonomikalıq kórsetkishlerge erisiwde, xalıqtıń bántligin támiyinlewde hámde isbilermenlerdiń, ásirese puqaralardıń dáramatların arttırıwda ayrıqsha orın iyeleydi.
Ótkerilgen májiliste respublikamızdıń ekonomika tarawında ámelge asırılıp atırǵan jumıslar, bar bolǵan mashqalalar hám basqa da máseleler sóz etildi.
Atap aytqanda, sanaat tarawı boyınsha 2022-jılǵa belgilengen prognoz kórsetkishiniń orınlanıwı ayırım rayonlarda usı tarawda jumıslardıń durıs jolǵa qoyılmaǵanlıǵı sebepli ósim páti támiyinlenbegen. Bir neshe rayonlarda ónimlerdi qayta islewge hám islep shıǵarıwǵa imkaniyatları, jetisteretuǵın shiyki zat resursları tolıq jeterli bolıwına qaramastan, sanaat tarawında jeterli dárejede joybarlar ámelge asırılmaǵan.
Májiliste máhállelerde isbilermenlikti rawajlandırıw, xalıqtıń bántligin támiyinlew hám kambaǵallıqtı qısqartırıw baǵdarında hákim járdemshileri lawazımı engizilip, jańa sistema jaratılǵanlıǵı atap ótildi. Biraq, shańaraqlıq isbilermenlikti rawajlandırıw baǵdarlaması tiykarında 2022-jılda ajırıtılıwı belgilengen jeńillikli kredit qarjıları talap dárejesinde ajıratılmay, nátiyjede kredit qarjıları óz iyelerine jetip barmaǵan. Eger, hákim járdemshileri tárepinen belsendilik kórsetilip, kredit qarjıları óz iyelerine jetip barǵanda jańa jumıs orınları jaratılıp, shańaraqlar turaqlı dáramat penen támiyinlengen bolar edi.
Joqarıdaǵılar menen bir qatarda, xalıqtıń bántligin támiyinlew máselesinde ayırım rayonlarda artta qalıwshılıq jaǵdayları ushırasıp atırǵanlıǵı da atap ótildi.
Bunnan tısqarı, májiliste byudjetke túsimlerdi ámelge asırıw baǵdarında tiyisli taraw basshıları hám hákimlikler tárepinen jumıslardıń durıs shólkemlestirilmegenligi sebepli, qosımsha imkaniyatlardan tolıq paydalanılmay atırǵanlıǵı sınǵa alındı.
Joqarıdaǵılar menen bir qatarda, 2022-jıl basına salıstırǵanda isbilermenlik subektlerinde islewshiler sanı kemeyip ketkenligi, al, bank sistemasında mashqalalı kredit qarızdarlıqları búgingi kúnde óz waqtında qaytarılmaǵanlıǵı da ayrıqsha tilge alındı.
Usılar menen bir qatarda, 218 xalatta jerlerden nátiyjeli hám belgilengen maqsette paydalanılmaǵan 55,3 gektar jer maydanı elege shekem hákimliklerdiń rezerv fondlarına qaytarıp alınbaǵan. Bunnan tısqarı, hákimliklerdiń óz balansındaǵı jámi 1 mıń 124 kóshpes múlkleri usı kúnge shekem mámleketlik dizimnen ótkerilmegen.
Videoselektor májilisinde anıqlanǵan kemshiliklerdi saplastırıw, bar bolǵan mashqalalarǵa sheshim tabıw, óz jumısına nemquraydılıq penen qarap atırǵan ayırım basshılardıń jumısların úyrenip shıǵıw hám zárúr jaǵdayda tiyisli sharalar kóriw boyınsha tapsırmalar berildi.
Májilis dawamında belgilengen wazıypalar hám ámelge asırılıwı tiyis jumıslardı orınlawda jol qoyǵan kemshilikleri hám óz jumısına nemquraydılıq penen qaraǵan ayırım rayon hákimleriniń birinshi orınbasarları menen hákim járdemshilerin intizamıy jazaǵa tartıw máselesin kórip shıǵıw boyınsha tapsırma berildi.
Májilis juwmaǵında ekonomikalıq kórsetkishlerdiń orınlanıwın támiyinlew, kambaǵallıqtı qısqartıw, isbilermenlikti rawajlandırıwdı qollap-quwatlaw, mashqalalı kreditlerdiń óz waqtında qaytarılıwın támiyinlew hám basqa da baǵdarlarda kórsetilgen wazıypalardı orınlawdı támiyinlew boyınsha rejeler belgilep alındı.
Qaraqalpaqstan Respublikası Joqarǵı Keńesiniń Málimleme xızmeti