Kegeyli rayonında 8 jas jańa turaq jayǵa iye boldı
1681
Húrmetli Prezidentimiz tárepinen balalardıń huqıqların qorǵaw, ásirese, ata-ana qaramaǵınan ayırılǵan balalardıń huqıqları, erkinlikleri hám nızamlı máplerin támiyinlew, sonday-aq, olardı sociallıq qollap-quwatlaw baǵdarında bir qansha unamlı jumıslar ámelge asırılmaqta.
2021-jıl 9-avgust kúngi “Shın jetim hám ata-ana qaramaǵınan ayırılǵan balalardı mámleket tárepinen qollap-quwatlawdıń jańa sistemasın en jaydırıw ilajları haqqında”ǵı PQ-5216-sanlı qararınıń qabıl etiliwi de usı tiykardaǵı jumıslardıń huqıqıy tiykarın belgilep berdi.
Prezident qararı orınlanıwın támiyinlew maqsetinde Húkimetimiz tárepinen qarjı ajıratılıp, Kegeyli rayonında dizimde turǵan turaq-jayǵa mútáj 8 jasqa barlıq qolaylıqlarǵa iye jańa úyler alıp berildi. Kegeyli rayonı hákimi D.Utemuratov hám tiyisli taraw wákilleriniń qatnasıwında jańa turaq jaylardıń giltleri óz iyelerine tapsırıldı.
Qaraqalpaqstan Respublikası Joqarǵı Keńesiniń Málimleme xızmeti