Joqarǵı Keńes Baslıǵı basshılıǵında Qaraózek rayonın sociallıq-ekonomikalıq jaqtan rawajlandırıw baǵdarında ámelge asırılıp atırǵan jumıslar talqılandı
1371
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonın sociallıq-ekonomikalıq jaqtan rawajlandırıw baǵdarında ámelge asırılıp atırǵan jumıslar boyınsha májilis ótkerdi.
Onda tiyisli ministrlik, komitet, basqarma basshıları hám rayonlıq mákeme, shólkem baslıqları qatnastı.
Ótken jılı qala hám rayonlar qatarında Qaraózek rayonında da mámleketlik baǵdarlamalardıń orınlanıwın támiyinlew, xalıqtıń jasaw sharayatın jaqsılaw, abadan turmıs ushın sharayat jaratıw, rayonnıń sociallıq-ekonomikalıq jaǵdayın kóteriw baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler boyınsha májilis ótkerilgen edi.
Onda puqaralardı qıynap kiyatırǵan mashqalalarǵa sheshim tabıw, orınlardaǵı tarawlarda jol qoyılıp atırǵan kemshiliklerdi saplastırıw baǵdarında anıq wazıypalar belgilep berildi.
Usı májilis bayanlaması menen ózine júkletilgen wazıypalardı óz waqtında orınlamay kelgen ayırım lawazımlı shaxslarǵa intizamiy jaza sharaları qollanılǵan edi. Bunnan tısqarı, Qaraózek rayonın sociallıq-ekonomikalıq rawajlandırıw baǵdarında 11 jónelis, 56 bántten ibarat “Jol kartası” tastıyıqlandı. Sonnan, búgingi kúnde 41 bántte belgilengen wazıypalardıń orınlanıwı támiyinlenip, qalǵan 15 bánttiń orınlanıwı támiyinlenbegen.
Atap aytqanda, 2022-jılda “Shańaraqlıq isbilermenlikti rawajlandırıw” baǵdarlaması tiykarında ajırıtılıwı rejelestirilgen jeńilletilgen kredit qarjılarınıń ózlestiriliwi, rejelestirilgen kishi biznes subektleriniń ashılıwı tolıq támiyinlenbegen.
Bunnan tısqarı, májiliste ónimler eksportı, “Jańa Ózbekstan” massivlerin qurıw baǵdarlaması tiykarında “Esim” puqaralar jıyınında kóp qabatlı turaq-jaylardıń qurılısı hám basqada bir qatar wazıypalar orınlanıwında artta qalıwshılıq jaǵdayları sınǵa alındı.
Qaraózek rayonında ótken jıl 7-oktyabr kúni ótkerilgen májiliste rayon potencialın tereń úyrengen halda bir qatar lawazımlı shaxslar hám basshılarǵa xalıqqa paydası tiyetuǵın kishi joybarlardı qısqa múddette iske túsiriw wazıypası belgilep berilgen edi. Biraq, úyreniwler dawamında ayırım joybarlardıń usı kúnge shekem iske túsirilmegenligi anıqlanǵan.
Húrmetli Prezidentimizdiń 2022-jıl 25-oktyabr kúngi qararı tiykarında Qaraózek rayonında 2022-2023-jıllarda máhálleler infrastrukturasın rawajlandırıw baǵdarlamasına muwapıq 5 obektte bahası 6 mlrd. 628,2 mln.swmlıq qurılıs ońlaw jumısların ámelge asırıw belgilengen edi. Búgingi kúnde bul 5 obektte alıp barılǵan qurılıs-ońlaw jumısları qanaatlandırarsız dárejede orınlanǵan.
Ótkerilgen májiliste taraw basshıları hám juwapker shaxslar tárepinen ámelge asırılǵan jumıslar birme-bir talqılanıp, artta qalıwshılık jaǵdayları sınǵa alındı.
Sonıń menen birge jańa jumıs orınların jaratıw, eksport potencialın jaqsılaw, isbilermenlikti qollap-quwatlaw, kredit qarjıların ajıratıw hám basqa da jónelisler boyınsha bir qansha baslı wazıypalardıń orınlanıwın támiyinlew tiyis ekenligi atap ótildi.
Májilis dawamında búgingi kúnde rayondaǵı 13 puqaralar jıyınında awır sharayatta jasap atırǵan járdemge mútáj 76 shańaraqqa járdem kórsetiw, jalǵız baslı, baǵıwshısınan ayırılǵan, kóp balalı, mayıplıǵı bolǵan shaxslardı qollap-quwatlaw, bul shańaraqlardıń qıstıń sınawlı kúnlerinen biyzıyan shıǵıwın támiyinlew hám báhár baslanıwı menen birinshi náwbette turaq jayların ońlap berip, turmıs mashaqatların jeńilletiw baslı wazıypalardan ekenligi aytıp ótildi.
Ótkerilgen májilis juwmaǵında aldaǵı wazıypalar belgilep berildi.
Ótken jılı qala hám rayonlar qatarında Qaraózek rayonında da mámleketlik baǵdarlamalardıń orınlanıwın támiyinlew, xalıqtıń jasaw sharayatın jaqsılaw, abadan turmıs ushın sharayat jaratıw, rayonnıń sociallıq-ekonomikalıq jaǵdayın kóteriw baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler boyınsha májilis ótkerilgen edi.
Onda puqaralardı qıynap kiyatırǵan mashqalalarǵa sheshim tabıw, orınlardaǵı tarawlarda jol qoyılıp atırǵan kemshiliklerdi saplastırıw baǵdarında anıq wazıypalar belgilep berildi.
Usı májilis bayanlaması menen ózine júkletilgen wazıypalardı óz waqtında orınlamay kelgen ayırım lawazımlı shaxslarǵa intizamiy jaza sharaları qollanılǵan edi. Bunnan tısqarı, Qaraózek rayonın sociallıq-ekonomikalıq rawajlandırıw baǵdarında 11 jónelis, 56 bántten ibarat “Jol kartası” tastıyıqlandı. Sonnan, búgingi kúnde 41 bántte belgilengen wazıypalardıń orınlanıwı támiyinlenip, qalǵan 15 bánttiń orınlanıwı támiyinlenbegen.
Atap aytqanda, 2022-jılda “Shańaraqlıq isbilermenlikti rawajlandırıw” baǵdarlaması tiykarında ajırıtılıwı rejelestirilgen jeńilletilgen kredit qarjılarınıń ózlestiriliwi, rejelestirilgen kishi biznes subektleriniń ashılıwı tolıq támiyinlenbegen.
Bunnan tısqarı, májiliste ónimler eksportı, “Jańa Ózbekstan” massivlerin qurıw baǵdarlaması tiykarında “Esim” puqaralar jıyınında kóp qabatlı turaq-jaylardıń qurılısı hám basqada bir qatar wazıypalar orınlanıwında artta qalıwshılıq jaǵdayları sınǵa alındı.
Qaraózek rayonında ótken jıl 7-oktyabr kúni ótkerilgen májiliste rayon potencialın tereń úyrengen halda bir qatar lawazımlı shaxslar hám basshılarǵa xalıqqa paydası tiyetuǵın kishi joybarlardı qısqa múddette iske túsiriw wazıypası belgilep berilgen edi. Biraq, úyreniwler dawamında ayırım joybarlardıń usı kúnge shekem iske túsirilmegenligi anıqlanǵan.
Húrmetli Prezidentimizdiń 2022-jıl 25-oktyabr kúngi qararı tiykarında Qaraózek rayonında 2022-2023-jıllarda máhálleler infrastrukturasın rawajlandırıw baǵdarlamasına muwapıq 5 obektte bahası 6 mlrd. 628,2 mln.swmlıq qurılıs ońlaw jumısların ámelge asırıw belgilengen edi. Búgingi kúnde bul 5 obektte alıp barılǵan qurılıs-ońlaw jumısları qanaatlandırarsız dárejede orınlanǵan.
Ótkerilgen májiliste taraw basshıları hám juwapker shaxslar tárepinen ámelge asırılǵan jumıslar birme-bir talqılanıp, artta qalıwshılık jaǵdayları sınǵa alındı.
Sonıń menen birge jańa jumıs orınların jaratıw, eksport potencialın jaqsılaw, isbilermenlikti qollap-quwatlaw, kredit qarjıların ajıratıw hám basqa da jónelisler boyınsha bir qansha baslı wazıypalardıń orınlanıwın támiyinlew tiyis ekenligi atap ótildi.
Májilis dawamında búgingi kúnde rayondaǵı 13 puqaralar jıyınında awır sharayatta jasap atırǵan járdemge mútáj 76 shańaraqqa járdem kórsetiw, jalǵız baslı, baǵıwshısınan ayırılǵan, kóp balalı, mayıplıǵı bolǵan shaxslardı qollap-quwatlaw, bul shańaraqlardıń qıstıń sınawlı kúnlerinen biyzıyan shıǵıwın támiyinlew hám báhár baslanıwı menen birinshi náwbette turaq jayların ońlap berip, turmıs mashaqatların jeńilletiw baslı wazıypalardan ekenligi aytıp ótildi.
Ótkerilgen májilis juwmaǵında aldaǵı wazıypalar belgilep berildi.
Qaraqalpaqstan Respublikası Joqarǵı Keńesiniń Málimleme xızmeti